ភ្នំពេញ ៖ កាលពីព្រឹកថ្ងៃទី១៦ ខែមីនា ឆ្នាំ២០១៩ នៅមន្ទីរគណបក្សខណ្ឌព្រែកព្នៅ ក្នុងពិធីប្រជុំផ្សព្វផ្សាយផែនការចាត់តាំងអនុវត្តសេចក្តីសម្រេចសន្និបាតគណៈកម្មាធិការកណ្តាល លើកទី៤១ អាណត្តិទី៥ របស់គណបក្សរាជធានីភ្នំពេញ ក្រោមអធិបតីភាពលោក រស់ សូផាន់ អនុប្រធានទី១ក្រុមការងារចុះជួយខណ្ឌព្រែកព្នៅ តំណាងដ៏ខ្ពង់ខ្ពស់លោក ឃួង ស្រេង ប្រធានក្រុមការងារចុះជួយខណ្ឌព្រែកព្នៅ។
ក្នុងឱកាសនោះលោកសុខ សម្បត្តិ ប្រធានគណកម្មាធិការគណបក្សប្រជាជនកម្ពុជា ខណ្ឌព្រែកព្នៅ បានលើកឡើងថាយើងប្តេជ្ញារក្សាឲ្យបាននៅអាសនៈក្រុមប្រឹក្សាខណ្ឌរបស់គណៈបក្សប្រជាជនកម្ពុជា ក្នុងខណ្ឌព្រែកព្នៅយើង ត្រូវតាមដានពួកអគតិមួយចំនួនដែលមានបំណងញុះញង់ដល់ប្រជាពលរដ្ឋ និងអង្គបោះឆ្នោត ហើយត្រូវទប់ស្កាត់ពាក្យចរចាមអារាម ទាំងឡាយណាដែលធ្វើឲ្យមានការប៉ះពាល់ដល់ការបោះឆ្នោតក្រុមប្រឹក្សាខណ្ឌ រាជធានី ខេត្ត នាថ្ងៃទី២៦ ខែឧសភា ខាងមុខនេះ។ អង្គបោះឆ្នោតទាំងអស់ត្រូវជៀសវាងកុំខឹងគោទៅវ៉ៃរទះ មានន័យថាអង្គបោះឆ្នោតស្រ លាញ់និងគាំទ្រគណបក្សប្រជាជនកម្ពុជា តែអន់ចិត្តនិងបុគ្គលម្នាក់បែរជាមិនបោះឆ្នោតឲ្យទៅវិញ។
លោកសុខ សម្បត្តិ បន្តថាមានតែគណបក្សប្រជាជនកម្ពុជា តែដែលតែងតែដឹងសុខដឹងទុក្ខប្រជាពលរដ្ឋគ្រប់កាលៈទេសៈ ដូចនេះយើងប្តេជ្ញារក្សាឲ្យបាននៅអាសនៈក្រុមប្រឹក្សាខណ្ឌរបស់គណៈបក្សប្រជាជនកម្ពុជា ក្នុងខណ្ឌព្រែកព្នៅយើង ហើយត្រូវតាមដានពួកអគតិមួយចំនួនដែលមានបំណងញុះញង់ដល់ប្រជាពលរដ្ឋ និងអង្គបោះឆ្នោត ដោយត្រូវទប់ស្កាត់ពាក្យចរចាមអារាម ទាំងឡាយណាដែលធ្វើឲ្យមានការប៉ះពាល់ដល់ការបោះឆ្នោតក្រុមប្រឹក្សាខណ្ឌ រាជធានី ខេត្ត នាថ្ងៃទី២៦ ខែឧសភា ខាងមុខនេះ។
ក្នុងឱកាសនោះផងដែរលោក រស់ សុផាន់ មានប្រសាសន៍ថាប្រមុខរាជរដ្ឋាភិបាលបច្ចុប្បន្ននេះ គឺជាតួអង្គស្ថាបនិក នៃការបង្រួបបង្រួមជាតិ ផ្សះផ្សាជាតិ ធ្វើឲ្យប្រទេសជាតិ មានសុខសន្តិភាព ក្រោមនយោបាយឈ្នះ ឈ្នះ ការស្ដារប្រទេសជាតិ ឲ្យមានកេរ្តិ៍ឈ្មោះលេចត្រដែតឡើងវិញ លើឆាកអន្តរជាតិ ហើយបាននិងកំពុង កែប្រែមុខមាត់ប្រទេសជាតិ ឲ្យមានការរីកចម្រើន ប្រជាជនមានជីវភាពធូរធារ ជាបន្តបន្ទាប់ បើគ្មាន ៧មករា ក៏យើងគ្មានថ្ងៃនេះដែរ។
ជាចុងក្រោយលោកអនុប្រធានក្រុមការងារចុះជួយខណ្ឌ ក៏បានជំរុញឱ្យមន្ដ្រីទាំងអស់ ជាពិសេសសមាជិកក្រុមការងារចុះជួយខណ្ឌ និងសង្កាត់ ត្រូវខិតខំបំពេញការងារ ទៅតាមតួនាទីរៀងៗខ្លួន ដើម្បីបម្រើ សំណូមពរ និងសេចក្ដីត្រូវការជូនប្រជាពលរដ្ឋ ពិសេសនៅពេលប្រជាពលរដ្ឋជួបការលំបាកតែម្តង ហើយត្រូវរួមសាមគ្គីគ្នា ការពារសមិទ្ធិផលទាំងឡាយរបស់គណៈបក្សប្រជាជន ឲ្យបានស្ថិតស្ថេរគង់វង្ស នៅជាអមតតរៀងទៅ៕
