អ្នកវិភាគឯករាជ្យទើបចេញពីគុក លោកគឹម សុខ រត់ភៀសខ្លួនទៅប្រទេសថៃ

ភ្នំពេញ៖ លោក គឹម សុខ អ្នកវិភាគនយោបាយ និងសង្គម បានរត់គេចខ្លួនទៅក្រៅប្រទេសបាត់ហើយ កាលពីថ្ងៃទី៣០ ខែសីហា ឆ្នាំ២០១៨ បន្ទាប់ពីត្រូវបានតុលាការដោះលែងឲ្យមានសេរីភាពឡើងវិញនៅព្រឹកថ្ងៃទី១៧ ខែសីហា ឆ្នាំ២០១៨ បន្ទាប់ពីអនុវត្តទោសចប់សព្វគ្រប់ ពោលបានជាប់ពន្ធនាគារ អស់រយៈពេលប្រមាណ ១៨ខែ។

លោកឧត្តមសេនីយ៍ឯក អ៊ី សុខឃី បានប្រាប់សារព័ត៌មាន នៅថ្ងៃត្រង់នេះ លោក គឹម សុខ ពិតជាបានរត់គេចខ្លួនទៅដល់ប្រទេសថៃហើយ តាមច្រករបៀង ហើយនៅពេលនេះ សមត្ថកិច្ចកម្ពុជារបស់យើង កំពុងសហការជាមួយជាមួយសមត្ថកិច្ចរបស់ថៃ ដើម្បីតាមស្វែងរកលោក គឹម សុខ៕