គ.ជ.ប បានចេញបម្រាមមួយចំនួនដូចខាងក្រោម៖ ប្រព័ន្ធផ្សព្វផ្សាយព័ត៌មានគឺត្រូវបានហាមឃាត់ចំពោះសកម្មភាពដែលត្រូវបានចាត់ទុកថាជាការរំលោភធ្ងន់ធ្ងរខាងផ្នែកវិជ្ជាជីវៈអ្នកសារព័ត៌មាន និងប្រព័ន្ធផ្សព្វ ផ្សាយព័ត៌មានមានជាអាទិ៍៖ ការផ្សព្វផ្សាយព័ត៌មានដែលធ្វើឲ្យមានការភាន់ច្រឡំនាំឲ្យបាត់ទំនុកចិត្តលើការបោះឆ្នោត ការផ្សព្វផ្សាយព័ត៌មានដោយសំអាងលើពាក្យចចាមអារ៉ាម ឬព័ត៌មានដែលពុំមានភ័ស្ដុតាងបញ្ជាក់ ការប្រើប្រាស់ភាសាញុះញង់ ឬវាយប្រហារដែលអាចបង្កភាពគ្មានសណ្ដាប់ធ្នាប់ ឬអាចមានអំពើហិង្សា ។
ការបោះពុម្ពផ្សាយ ឬផ្សាយបន្តនូវព័ត៌មានដែលបង្កឲ្យប៉ះពាល់សន្ដិសុខជាតិ ស្ថិរភាព នយោបាយ និងស្ថិរភាពសង្គម។ ការបញ្ចេញបញ្ចូលទស្សនៈផ្ទាល់ខ្លួន ឬធ្វើបុរេវិនិច្ឆ័យនៅក្នុងហេតុការណ៍កំពុងកើតមានដែលខ្លួនធ្វើសេចក្ដីរាយការណ៍ ។
ការជ្រៀតជ្រែក ឬរំខានដល់ការងារចុះឈ្មោះបោះឆ្នោត ការបោះឆ្នោត និងការ-រាប់សន្លឹកឆ្នោត ការផ្សព្វផ្សាយមិនឲ្យប្រជាពលរដ្ឋទៅចុះឈ្មោះបោះឆ្នោត និងទៅបោះឆ្នោត ការធ្វើសម្ភាសន៍នៅក្នុងការិយាល័យចុះឈ្មោះបោះឆ្នោត ការិយាល័យបោះឆ្នោត និងការិយាល័យរាប់សន្លឹកឆ្នោត ៕
