អង្គភាពប្រឆាំងអំពើពុករលួយបើកសិក្ខាសាលាស្តីពី៖ «អ្នកសារព័ត៍មាន និងការប្រយុទ្ធប្រឆាំងអំពើពុករលួយ»

0
17460

ភ្នំពេញ៖ នៅអង្គភាពប្រឆាំងអំពើពុករលួយ នាព្រឹកថ្ងៃចន្ទ ៨កើត ខែបុស្ស ឆ្នាំរកា នព្វស័ក ព.ស ២៥៦១ ត្រូវនិងថ្ងៃទី២៥ ខែធ្នូ ឆ្នាំ២០១៧ បានបើកសិក្ខាសាលាស្តីពី៖ «អ្នកសារព័ត៍មាន និងការប្រយុទ្ធប្រឆាំងអំពើពុករលួយ» មានការចូលរួមពីថ្នាក់ដឹកនាំ មន្រ្តីអង្គភាពប្រឆាំងអំពើពុករលួយ កងកម្លាំងសមត្ថកិច្ចមួយចំនួន និងអ្នកសារព័ត៍មាន តំណាងអោយអង្គភាពជាច្រើនស្ថាប័ន ហើយ កម្មវិធីសិក្ខាសាលានេះ ធ្វើឡើងក្រោមអធិបតីភាពលោកបណ្ឌិត ឱម យិនទៀង ទេសរដ្ឋមន្ត្រី ប្រធានអង្គភាពប្រឆាំងអំពើពុករលួយ។

IMG-20171226-WA0002

លោកបណ្ឌិត ឱម យិនទៀង ទេសរដ្ឋមន្ត្រី ប្រធានអង្គភាពប្រឆាំងអំពើពុករលួយ បានថ្លែងនិងពន្យល់ធ្វើបទបង្ហាញស្តីពី៖ «ទិដ្ឋភាពទូទៅនៃច្បាប់ នៃការប្រយុទ្ធប្រឆាំងអំពើពុករលួយ។ ដោយលោកទេសរដ្ឋមន្ត្រីបានលើកឡើងថា៖ អ្វីជាបទល្មើសពុករលួយ.?គឺគ្មាននិយមន័យច្បាប់ទេ តែបានទាញចេញពីច្បាប់ព្រហ្មទណ្ឌ មាន៣៨ បទល្មើស និងចែកជា៣ប្រភេទគឺ៖ ទី១-បទល្មើសពុករលួយសុីសំណូកចំនួន១០ ទី២-បទល្មើសពុករលួយសូក និងទី៣-បទល្មើសពុករលួយផ្សេងៗទៀតចំនួន១៩។ ក្នុងនោះលោកទេសរដ្ឋមន្ត្រីបានគូសបញ្ជាក់ថា៖ អ្នកជាប់បទប្រព្រឹត្តអំពើពុករលួយមានតែពីរទេ គឺមន្ត្រីរាជការ និងពលរដ្ឋដែលទទួលអណត្តិដោយការបោះឆ្នោត។ ដោយឡែកបញ្ហាអ្នកកាសែតបានលុយដោយសារគេអោយនោះ មិនមែនជាអំពើពុករលួយទេ ដូចជាករណីមានឈ្មោះក្នុងបញ្ជីជាង១០០នាក់នៅក្នុងការយកលុយពីសង្វៀនប្រជល់មាន់កន្លងទៅនៅខេត្តកណ្តាល។

លោក ឃាង សេង អនុប្រធានអង្គភាពប្រឆាំងអំពើពុករលួយ ក៏បានអញ្ជើញឡើងធ្វើបទបង្ហាញស្តីពី៖ «បទល្មើសពុករលួយ និងអំណាចសើបអង្កេត របស់អង្គភាពប្រឆាំងអំពើពុករលួយ ដោយលើកឡើងថា៖ រាល់អំពើដែលចាត់ទុកថាបានប្រព្រឹត្តអំពើពុករលួយដោយមន្ត្រីរាជការ និងពលរដ្ឋដែលទទួលអណត្តិដោយការបោះឆ្នោត លុះណាមានធាតុផ្សំនៃបទល្មើស៣យ៉ាងគឺ ទី១-ធាតុនីត្យានុកូល ទី២-ធាតុសំភារៈឬធាតុសត្យានុម័ត និងទី៣-ធាតុអត្តនោម័ត។

គួររំលឹកថា៖ ច្បាប់ស្តីពីការប្រឆាំងអំពើពុករលួយ ត្រូវបានប្រកាសអោយប្រើនៅថ្ងៃទី១៧ ខែមេសា ឆ្នាំ២០១០ ក្នុងនោះមានគោលបំណង លើកកម្ពស់ប្រសិទ្ធភាពសេវាគ្រប់បែបយ៉ាង ពង្រឹងអភិបាលកិច្ច និងនីតិរដ្ឋ នៅក្នុងការដឹកនាំ និងការគ្រប់គ្រងរដ្ឋ ព្រមទាំងរក្សាភាពស្អាតស្អំ និងយុត្តិធម៍ដែលជាមូលដ្ឋានចាំបាច់ក្នុងការអភិវឌ្ឍសង្គមជាតិ និងកាត់បន្ថយភាពក្រីក្រ យោងតាមមាត្រា១។ ច្បាប់ស្តីពីវិសោធនកម្មស្តីពីការប្រឆាំងអំពើពុករលួយត្រូវបានប្រកាសអោយប្រើនៅថ្ងៃទី១ ខែសីហា ឆ្នាំ២០១១។

សិក្ខាសាលានេះមានអត្ថប្រយោជន៍ខ្ពស់ក្នុងការចូលរួមក្នុងសមរភូមិដើម្បីលុបបំបាត់នូវអំពើពុករលួយ ក៏ដូចជាការយល់ដឹងពីការជាប់ទោសទណ្ឌនៃការប្រព្រឹត្តអំពើពុករលួយ ខណះប្រទេសជាតិគ្រប់គ្រងដោយច្បាប់ និងតម្រូវអោយមានសិទ្ធទទួលខុសត្រូវតាមផ្លូវច្បាប់ស្មើៗគ្នា៕

IMG-20171226-WA0001

IMG-20171226-WA0000

Facebook Comments
Loading...

LEAVE A REPLY

Please enter your comment!
Please enter your name here