ខ្លាំងមែន លោក ប៉ាក បើកសង្វៀន ជល់មាននិងលេងបៀអាប៉ោង ២ទៅ៣ទីតាំងសម្រាប់ផ្លាស់ប្តូរ ថ្ងៃគ្នាលេងយ៉ាងរំភើយ សូម្បីតែសមត្ថកិច្ចមិនហ៊ានទៅក្បែរ

0
3325

កំពត ៖ ប្រជាពលរដ្ឋ បានលើកឡើងថា សង្វៀនជល់មាន់ និងអាប៉ោងដ៏ធំ ចំនួន២ទៅ៣ទីតាំង របស់លោក ប៉ាក កំពុងតែបើកដំណើរការ លេងយ៉ាងអ៊ូរអរបំផុត នៅចំណុចអូរតូច ភូមិអណ្ដូងខ្មែរ សង្កាត់អណ្ដូងខ្មែរ ក្រុងកំពត ខេត្តកំពត ដោយផ្លាស់ប្តូគ្នាលេង មួយថ្ងៃទីតាំងនេះមួយថ្ងៃទីតាំងនោះ ដើម្បីកុំឲ្យអ្នកាសែតរកឃើញ។

ប្រភពប្រជាពលរដ្ឋអោយដឹងថាទីតាំងសៃវៀន ឈ្មោះប៉ាក មាន២ទៅ៣ទីតាំងសម្រាប់ផ្លាស់ប្តូរដើម្បីគេចចេញពីសេចក្តីរាយការណ៍របស់អ្នកសារព័ត៌មានជម្រាបជូនមន្រ្តីមូលដ្ឋាន ហើយអ្នកញៀនល្បែងខាងលើកំពុងតែដំណើការលេងយ៉ាងគគ្រឹកគគ្រេងព្រមទាំង មានកម្លាំងការពារ យាមច្រកចេញចូលមិនឲ្យនាក់សារព័ត៌មានណាម្នាក់ចូលផ្តិតយករូបភាពបានទេ។

ពលរដ្ឋជាច្រើនកំពុងតែមានការព្រួយបារម្ភយ៉ាងខ្លាំងចំពោះវត្តមានទីតាំងល្បែងស៊ីសងដ៏ធំមួយនេះ ដែលកំពុងតែប្រមូលផ្ដុំគ្នាលេងល្បែងភ្នាល់ដាក់ប្រាក់រាប់រយពាន់ដុល្លារ  និយា​យ​ឲ្យចំគឺភ្នាល់ធំ”ណាស់។ ប្រភពបន្តថា «ល្បែងស៊ីសងគ្រប់ប្រភេទ ជាឫសគល់នៃបទល្មើសចោរកម្ម លួច ឆក់ ប្លន់ និង កើ ត ករណីហិង្សា ក្នុងគ្រួសារ ជាដើម ជាហេតុ នាំឲ្យប្រជាពលរដ្ឋ មានការព្រួយបារម្មណ៍ ភ័យខ្លាច និងភាពអសន្តិសុខ នៅក្នុងសង្គមក៏ដូចក្នុងមូលដ្ឋានរបស់គាត់ផងដែរ»។

ប្រពលរដ្ឋ មានសង្ឃឹមនឹងជឿជាក់លើមន្ត្រីពាក់ពន្ធ័ក្នុងមូលដ្ឋានជាពិសេសឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការខេត្ដកំពតនិង ឯកឧត្តម ម៉ៅ ធនិន អភិបាលនៃគណៈអភិបាលខេត្តកំពត មេត្តា មានចំណាត់ការចំពោះករណី ល្បែងស៊ីសងខាងលើនេះ ដើម្បីឲ្យស្របតាម គោលនយោបាយភូមិ ឃុំ មានសុវត្ថិភាព ទាំង៧ចំណុច ផង៕

Facebook Comments
Loading...