កណ្ដាល៖ ការរំហូរចូលនៃគ្រឿងញៀនកំពុងធ្វើអោយប្រជាពលរដ្ឋមានការព្រួយបារម្ភបើទោះបីសមត្ថកិច្ចនឹងប្រព័ន្ធផ្សព្វផ្សាយខិតខំផ្សព្វផ្សាយយ៉ាងណាក៏នៅមានយុវជនជនមួយចំនួនមានការភ្លើតភ្លើនជាមួយគ្រឿងញៀននេះដែរជាក់ស្ដែងនៅថ្ងៃសៅរ៍ ១៣រោច ខែស្រាពណ៍ ឆ្នាំច សំរឹទ្ធិស័ក ពស ២៥៦២ ត្រូវនឹងថ្ងៃទី០៨ ខែកញ្ញា ឆ្នាំ២០១៨ សមត្ថកិច្ចស្រុកកៀនស្វាយបានឃាត់ខ្លួនជនសង្ស័យចំនួនបួននាក់ក្នុងករណីជួញដូរ និងប្រើប្រាស់ដោយខុសច្បាប់នូវសារធាតុញៀន (ម៉ាទឹកកក)។
កើតហេតុថ្ងៃទី០៧ ខែកញ្ញា ឆ្នាំ២០១៨ វេលាម៉ោង ម៉ោង១៤ និង២០នាទីនៅចំណុចភូមិព្រែកប៉ុល ឃុំបន្ទាយដែក ស្រុកកៀនស្វាយ ខេត្តកណ្តាល ។
ប្រភពពីរសមត្ថកិច្ចបានអោយដឹងថាជនសង្ស័យមានចំនួន ០៤នាក់ (ឃាត់ខ្លួន) ១-ឈ្មោះ លី រិទី្ធ ហៅ (អូនតូច) ភេទ ប្រុស អាយុ៣០ឆ្នាំ ជនជាតិខ្មែរ មានទីលំនៅ ភូមិព្រែកប៉ុល ឃុំបន្ទាយដែក ស្រុកកៀនស្វាយ ខេត្តកណ្តាល មុខរបរ នេសាទត្រី ២-ឈ្មោះ អ៊ុន សម្បត្តិ ហៅ (ខុង)ភេទប្រុស អាយុ១៩ឆ្នាំ ជនជាតិខ្មែរមានទីលំនៅ ភូមិព្រែកប៉ុល ឃុំបន្ទាយដែក ស្រុកកៀនស្វាយ ខេត្តកណ្តាល មុខរបរ កសិករ ៣ /ឈ្មោះ អ៊ុច សុធា ហៅ (គ្នាន)ភេទប្រុស អាយុ២៧ឆ្នាំ ជនជាតិខ្មែរមានទីលំនៅ ភូមិកណ្តាលក្រោម ឃុំបន្ទាយដែក ស្រុកកៀនស្វាយ ខេត្តកណ្តាល មុខរបរ បើកឡានដឹកកម្មករ ៤-ឈ្មោះ សួង រិទ្ធិ ហៅ (បារាំង) ភេទប្រុស អាយុ២៦ឆ្នាំ មានទីលំនៅ ភូមិកណ្តាលក្រោម ឃុំបន្ទាយដែក ស្រុកកៀនស្វាយ ខេត្តកណ្តាល មុខរបរ មិនពិតប្រាកដ ។
វត្ថុតាងចាប់យករួមមាន៖ ម្សៅក្រាមពណ៌សថ្លាសង្ស័យសារធាតុញៀន (ម៉ាទឹកកក) ចំនួន១១កញ្ចប់ (ធំ០២ កញ្ចប់ និងតូច០៩កញ្ចប់) ដកទឹកបរិសុទ្ធ សម្រាប់ជក់ថ្នាំញៀនចំនួន០២ កញ្ចប់បារី MEVIUS ចំនួន ០១សមា្ភរប្រើប្រាស់ថ្នាំញៀនមួយចំនួនដែកកេះហ្គាស ចំនួន០៤ គ្រឿង
ទូរសព្ទ័ម៉ាCam fone ពណ៍ខ្មៅ។
ប្រភពបានបន្តទៀតថា៖ នៅថ្ងៃខែឆ្នាំវេលាម៉ោងកើតហេតុខាងលើកម្លាំងសម្ថតកិច្ច ផ្នែកជំនាញប្រឆាំងបទល្មើសគ្រឿងញៀន ស្រុកកៀនស្វាយ បានសហការជាមួយកម្លាំងប៉ុស្តិ៍នគរបាលរដ្ឋបាលបន្ទាយដែក ចុះបង្រាប ករណីជួញដូរ និងប្រើប្រាស់គ្រឿងញៀននៅចំណុចផ្ទះ របស់ឈ្មោះ លី រិទ្ធី ហៅ អូនតូច ភេទប្រុស បានឃាត់ខ្លួន ឈ្មោះ លី រិទ្ធី និង ឈ្មោះ អ៊ុន សម្បត្តិ ហៅខុង ភេទប្រុស រួចឈ្មោះ លី រិទ្ធី ហៅអូនតូច បានឆ្លើយសារភាពថា ថ្នាំញៀនខាងលើនេះពិតជារបស់ខ្លួនពិតប្រាកដមែន ខ្លួនបានទិញពីឈ្មោះ អ៊ុច សុធា ភេទប្រុស រួចក៏បន្តសុំគោលការណ៍ ទៅលោកឯក ស៊ុន រស្មី ព្រះរាជអាជ្ញារងអមសាលាដំបូង ខេត្តកណ្តាល និង លោកស្នងការរងទទួលផែនប្រឆាំងបទល្មើសគ្រឿងញៀនដើម្បីបន្តនិតិវីធី ហើយក៏ បន្តទៅឃាត់ខ្លួនឈ្មោះ អ៊ុច សុធា ភេទប្រុសនិង ឈ្មោះ សួង រិទ្ធិ ហៅ បារាំង ភេទប្រុស ។ជនសង្ស័យទាំង០៤នាក់ ឃាត់ខ្លួននៅអធិការដ្ឋាននរគបាល ស្រុកកៀនស្វាយ ដើម្បីចាត់ការតាមនីតិវីធីច្បាប់៕ដោយ សនសុភ័ក្ដ
