មន្រ្តីការទូតរុស្ស៊ីថា ឧក្រិដ្ឋកម្មរបស់សហរដ្ឋអាមេរិក និងអង្គការណាតូនៅអាហ្វហ្គានីស្ថាន នៅតែគ្មានការផ្តន្ទាទោស

បរទេស ៖ ស្ថានភាពបច្ចុប្បន្នរបស់ប្រទេសអាហ្វហ្គានីស្ថាន គឺជាលទ្ធផលនៃវត្តមានយោធារយៈពេល២០ឆ្នាំរបស់សហរដ្ឋអាមេរិក និងប្រទេសដទៃទៀតនៃអង្គការណាតូ។ នេះបើតាមការលើកឡើងរបស់អ្នកការទូតរុស្ស៊ី លោក អាដធើ ឆឺននីយ៉ាកូវ ដែលថ្លែងសុន្ទរកថាក្នុងសម័យប្រជុំលើកទី៥២ នៃក្រុមប្រឹក្សាសិទ្ធិមនុស្សរបស់អង្គការសហប្រជាជាតិនៅទីក្រុងហ្សឺណែវ។

លោក ឆឺននីយ៉ាកូវ បានគូសបញ្ជាក់ថា វត្តមានយោធារយៈពេល២០ឆ្នាំរបស់សហរដ្ឋអាមេរិក ចក្រភពអង់គ្លេស និងសម្ព័ន្ធមិត្តណាតូរបស់ពួកគេ គឺជាមូលហេតុចម្បងមួយ នៃបញ្ហាប្រឈមនាពេលបច្ចុប្បន្នរបស់អាហ្វហ្គានីស្ថាន។