បងថ្លៃកំហូចព្យាយាមចាប់រំលោភ នារីជាប្អូនថ្លៃជាច្រើនដងមិនបានសម្រេច ចុងក្រោយជិតបានសម្រេចប្រពន្ធមកទាន់

0
271

ខេត្តបន្ទាយមានជ័យ ៖ ជនសង្ស័យម្នាក់ ត្រូវកម្លាំងនគរបាលក្រុងប៉ោយប៉ែត ឃាត់ខ្លួនសួរនាំ ក្រោយពីធ្វើសកម្មភាពព្យាយាម លួងលោម ស្ទាបអង្គែល ប្អូនថ្លៃស្រី ជាច្រើនដង តែសំណាងល្អបងស្រីបង្កើតមកទាន់ទើបបែករឿង និងបានប្តឹងឲ្យនគរបាលជួយអន្តរគមន៍តែម្តង កាលពីថ្ងៃទី២៤ ខែធ្នូ ឆ្នាំ២០២២។
បើតាមមន្ត្រី នគរបាលប៉ុស្តិ៍ប៉ោយប៉ែត បានឲ្យដឹងនៅថា យោងការរៀបរាប់ក្នុងពាក្យបណ្តឹង ក្មេងស្រីរងគ្រោះឈ្មោះ ឡ ម.ថ.ន រស់នៅភូមិទំនប់ក៥ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ បានអះអាងថា ឈ្មោះ សូយ សី ភេទប្រុស អាយុ៣៣ឆ្នាំ បានធ្វើសកម្មភាព ស្ទាបអង្អែលប្រដាប់ភេទ (ប្រទូសគេខ្មាស់) ខ្ញុំជាច្រើនលើក នៅថ្ងៃទី២១ខែធ្នូឆ្នាំ ២០២២ វេលាម៉ោង៩និង០០នាទី នៅចំណុចបន្ទប់។ នាងបន្តថាខណះពេលនាង នៅម្នាក់ឯង បងថ្លៃរបស់នាងបានព្យាយាម ចាប់រំលោភតែ ត្រូវនាងរើបំរ៉ាស់និងចាប់ដៃ រុញច្រានចេញពីបន្ទប់។ ក្រោយមកនៅថ្ងៃទី២២ ខែធ្នូ ឆ្នាំ២០២២ វេលាម៉ោង៩យប់ ខណះពេលដែលនាងកំពុងដេកក្នុងបន្ទប់ បងថ្លៃប្រុសឈ្មោះ សូយ សី បានដើរពីផ្ទះរបស់ខ្លួនរួចមកលបលួចចូលក្នុងបន្ទប់របស់នាងម្តងទៀត បងថ្លៃប្រុសរូបនេះបានចាប់អោប លូកគ្រប់កៀនកោះ និងបាននិយាយថាបងស្រលាញ់អូន ពេលនេះនាងបានព្យាយាមរើបំរ៉ាស់និងរុញច្រាន តែរើមិនរួច សំណាងល្អបងស្រីបង្កើតរបស់នាងឈ្មោះ ឡោះ ម៉ារីនី ដើរមកបើកទ្វារបន្ទប់ ឃើញប្ដីគាត់ឱបខ្ញុំពីក្រោយ ក៏ចាប់អូសទៅក្រៅផ្ទះហើយជេរវ៉ៃឈ្លោះគ្នា ផ្អើលតែម្តង។ នារីរូបនោះបន្តថា កន្លងមករឿងនេះខ្ញុំក៏ធ្លាប់ប្រាប់បងស្រីដែរ តែគាត់មិនទាន់ឃើញច្បាស់ ពេលនេះគាត់បានឃើញច្បាស់ផ្ទាល់ភ្នែកទើបសម្រេចប្តឹង។
លោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែត បានឲ្យដឹងនៅថ្ងៃទី២៥ ខែធ្នូ ឆ្នាំ២០២២ថា នៅចំពោះមុខសមត្ថកិច្ចសួរនាំ ជនសង្ស័យ សូយ សី បានសារភាពថា រូបគេពិតជាបានប្រព្រឹត្តដូច្នោះមែន។ យោងបទបញ្ជារបស់លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ ក្រោយសួរនាំជនសង្ស័យត្រូវបានបញ្ជូនទៅ ការិយាល័យនគរបាលប្រឆាំងការជួញដូរមនុស្ស និងការពារអនីតិជន ដើម្បីកសាងសំណុំរឿងបញ្ជូនទៅតុលាការចាត់ច្បាប់៕

Facebook Comments
Loading...