រថយន្តដឹកថ្មម្នាក់រងរបួសធ្ងន់ខណៈដែលបើករយន្តលឿនជ្រុលទៅបុករថយន្តដឹកដីពីក្រោយ

0
691

ភ្នំពេញ ៖ រថយន្តដឹកថ្មបើកលឿនជ្រុលទៅបុករថយន្តដឹកដីពីក្រោយបណ្តាលឲ្យបុរសម្នាក់រងរបួសធ្ងន់ ដែលហេតុការណ៍គ្រោះថ្នាក់ចរាចរណ៍នេះបានកើតឡើងនៅម៉ោង៤ និង៤០នាទីរសៀលថ្ងៃទី៦ ខែមេសាឆ្នាំ ២០២១ ស្ថិតនៅតាមបណ្តោយផ្លូវវិមានឈ្នះឈ្នះ ក្នុងសង្កាត់គោករការ ខណ្ឌព្រែកព្នៅ រាជធានីភ្នំពេញ។

ប្រភពព័ត៌មានពីប្រជាពលរដ្ឋនៅកន្លែងកើតហេតុ បានឲ្យដឹងថា នៅមុនពេលកើតហេតុ គេឃើញរថយន្តបែនដឹកដីមិនចាំផ្លាកលេខ បើកបរដោយបុរសម្នាក់ ធ្វើដំណើរតាមបណ្តោយផ្លូវវិមានឈ្នះឈ្នះ ក្នុងទិសដៅពីលិចទៅកើតក្នុងល្បឿនមធ្យម ខណៈមកដល់ចំណុចកើតហេតុស្រាប់តែមានរថយន្តបែនដឹកថ្ម ក្រហមពាកស្លាកលេខ ភ្នំពេញ 3-A 2726 បើកបរដោយបុរសម្នាក់ ធ្វើដំណើរមកពីក្រោយតាមបណ្តោយផ្លូវវិមានឈ្នះ ឈ្នះ ក្នុងទិសដៅពីលិចមកកើតស្របគ្នា ក្នុងល្បឿនលឿនមកបុកចំពីក្រោយ រថយន្តបែនដឹងដីពេញទំហឹង បណ្តាលឲ្យអ្នកបើរថយន្តរងរបួសធ្ងន់ត្រូវបានរថយន្តសាមុយដឹកយកទៅសង្រ្គោះបន្ទាន់ភ្លាមៗផងដែរ ចំណែកឯរថយន្តបង្កខ្ទេចមួយកំណាត់មុខ រីឯរថយន្តបែនដឹកដីវិញ បន្តបើករត់ទៅមុខគេចខ្លួនបាត់ស្រមោល។

បន្ទាប់កើតហេតុសមត្ថកិច្ចមូលដ្ឋាន សហការជាមួយជំនាញចរាចរណ៍ខណ្ឌព្រែកព្នៅ ចុះមកដល់រួចបានពិនិត្យធ្វើកំណត់ហេតុឲ្យជនងរងគ្រោះ យករថយន្តទៅជួសជុលដោយខ្លួនឯង៕

Facebook Comments
Loading...