ភ្នំពេញ ៖ កីឡាករឡុង សុវណ្ណឌឿន អ្នកប្រដាល់របស់ក្លិបឡុងសាលវ័ន្តកីឡា អាចនិងឈប់ឡើងសង្វៀនប្រកួតទៀតហើយ ព្រោះមួយរយៈចុងក្រោយនេះគេធ្វើមិនសូវបានល្អទេ ឡើងប្រកួតពេលណាភាគច្រើនមានស្នាមបែកពិសេសប្រកួតជាមួយកីឡាករធឿន ធារ៉ាតែម្តង ដោយការប្រកួតចុងក្រោយនាថ្ងៃទី២៨ ខែកុម្ភៈ ឆ្នាំ២០២១នេះ ត្រូវធឿន ធារ៉ា វាយបែកជាច្រើនថ្នេ ក្នុងនោះឡុង សុវណ្ណឌឿន បានបង្ហោះក្នុងបណ្តាញសង្គមfacebook ថាសុំទោសលោកឪពុកអ្នកម្តាយនិងបងប្អូនអ្នកគាំទ្រទាំងអស់ដោយមួយរយៈចុងក្រោយនេះខ្ញុំធ្វើមិនបានល្អសោះ។
ក្នុងការបង្ហោះក្នុងបណ្តាញសង្គមfacebook ថាសុំទោសនេះដែរមានអ្នកចូលcomment ជាច្រើនក្នុងនោះមានអាខោនfacebookឈ្មោះ ឈិន ប៊ុនឆៃ សសេរថាស៊ូរបន្តទៅមុខទៀតប្អូនប្រុស Nöng Säv ឈប់វៃទៅបង Makara Delivery Tep Oudom វ៉ៃមួយប្រកួតតាមខ្ញុំគិតអាច ស្មើរប្រាក់ខែរគាត់ នៅcbs មួយខែរគួរវ៉ៃ ឫមិនគួតាមប្រូគិត Dada Neouខ្ញុំឃើញ ឡើងពេលណាក៏បែក។ អារម្មណ៍គឺថាអាណិត បើមិនឲ្យឡើងវៃ តើបានថវិកាណាដោះដូរជីវភាព។ ណ្ហើយ កម្មយើងហើយ។
ចំណែកអាខោនfacebookឈ្មោះ វិរះ ពេជ្រ មុនិលក្ខ បានលើកឡើងថា អរគុណសម្រាប់ការស្រលាញ់និងការអភិរក្សក្បាច់គុនបុរាណខ្មែរយុទ្ធសាស្ត្រយុទ្ធសិល្ប៍យុទ្ធគុន ទោះបីជាកម្លាំងកាយថមថយតែកម្លាំងចិត្តក្នុងការតស៊ូនៅតែមានឆន្ទៈក្នុងការប្រយុទ្ធសូមអរគុណ ជាពិសេសស្រលាញ់និងគាំទ្រចូលចិត្តteam ពិធីករអត្ថាធិប្បាយរបស់CBS ទាំងអស់គ្នា រីឯMrr Ratanak បានលើកឡើងថាខ្ញុំលឺថាMCសុជាតិថាបងប្រគូតលើកនេះជាប្រគូតចុងក្រោយឡុង សុវណ្ណដឿន ហើយឡុង សុវណ្ណឌឿន បានតបវិញថាMrr Ratanak ប្រហែលហើយបង។
ក្នុងការឆ្លើយតបរបស់កីឡាករឡុង សុវណ្ណឌឿន ប្រហែលអាចឈប់ប្រដាល់នេះ អ្នកស្នេហាកីឡាប្រដាល់ភាគគុនខ្មែរជាសោកស្តាយដែលបាត់បង់ធន់ធានកីឡាករដ៍ឆ្នើមម្នាក់នេះ ព្រោះអ្នកគាំទ្រឡុង សុវណ្ណឌឿន ជាច្រើនថាសុវណ្ណឌឿន គេជាកីឡាករដែលមានសក្តានុពល ហើយមានសមត្ថភាពគួរឱ្យសរសើរ ដោយម្នាក់ៗហាក់សម្តែងនូវទំនុកចិត្តចង់ទស្សនាយ៉ាងខ្លាំងនៅគ្រប់ ពេលកីឡាកររូបនេះឡើងរេញប្រកួតម្តងៗនោះ។ ទាំងនេះគឺគ្រាន់តែជាការលើកឡើងរបស់កីឡាករឡុង សុវណ្ណឌឿន ក្នុងបណ្តាញសង្គមfacebookប៉ុណ្ណោះ ហើយក្រុមការងារយើងមិនទាន់អាចទំនាក់ទំនងផ្ទាល់ជាមួយកីឡាករឡុង សុវណ្ណឌឿន បាននៅឡើយនោះទេ។ តែយ៉ាងណាក្រុមការងារយើងនិងព្យាយាមទំនាក់ទំនង កីឡាកររូបនេះដើម្បីស្រាយបំភ្លឺនូវករណីមួយនេះ៕
