តើអាចទៅរួចទេអតីតជើងចាស់លោក Dimitar Berbatov បានទស្សន៍ទាយទុកជាមុនថាMan Utd និងឈ្នះLiverpool ២-១

កីឡាបរទេស ៖ អ្នកគាំទ្រជាច្រើនទន្ទឹងរង់ចាំយូរមកហើយសម្រាប់ប្រកួតក្រុមហង្សក្រហម Liverpool នឹងស្វាគមន៍ក្រុមភ្ញៀវកំពុងឡើងជើង Man Utd ដែលជាជំនួបដ៏ក្តៅគ គុកប្រចាំសប្តាហ៍ដ៏ពិសេសនេះ នៅឯកីឡដ្ឋាន Anfield សម្រាប់ជំនួបជុំទី១៧ ពោលជាការជួបគ្នារវាងក្រុមលេខ១ និងលេខ២ នៅPremier League។

មុនប៉ះគ្នាមកដល់រវាងក្រុមហង្សក្រហម Liverpool ជួបក្រុម Man Utd នាចុងសប្តសហ៍នេះ អតីតជើងចាស់លោក Dimitar Berbatov ក៏បានទស្សន៍ទាយទុកជាមុនថា United នឹងបន្តឈ្នះ ហើយលទ្ធផលគ្រាប់បាល់គឺក្រុមភ្ញៀវនឹងយកឈ្នះម្ចាស់ផ្ទះ ២-១។

លោក Berbatov បាននិយាយថា៖ “ខ្ញុំចង់ឃើញ United បន្តលទ្ធផលដ៏ល្អបែបនេះ ហើយបន្ថែមគម្លាតពិន្ទុដល់៦ពិន្ទុទៅលើ Liverpool ដោយវានឹងជាប្រកួតដ៏តានតឹងមួយ ហើយខ្ញុំចង់ឃើញ United ឈ្នះ ដោយខ្ញុំជឿថាពួកគេនឹងនៅតែបន្តផ្តល់ភាពភ្ញាក់ផ្អើលសម្រាប់អ្នករាល់គ្នា”៕