កណ្តាល ៖ រថយន្តដឹកកម្មករ ម៉ាកហ៊ីយ៉ាន់ដាយ បើកបុកមូតូ២គ្រឿងបណ្តាលឲ្យមនុស្សម្នាក់ស្លាប់ និង២នាក់ទៀតរងរបួសធ្ងន់ ដែលហេតុការណ៍នេះកើតឡើងកាលពីវេលាម៉ោង០៦ និង៣០នាទី ត្រូវនឹងថ្ងៃទី៣០ ខែកក្កដា ឆ្នាំ២០២០ លើកំណាត់ផ្លូវជាតិលេខ០៤ ស្ថិតនៅភូមិអង្គស្នួលទី២ ឃុំពើក ស្រុកអង្គស្នួល ខេត្តកណ្ដាល។
ប្រភពព័ត៌មានពីសមត្ថកិច្ចបានឲ្យដឹងថា ជនរងគ្រោះដែលស្លាប់បាត់បង់ជីវិតមាន ឈ្មោះសាត រដ្ឋ ភេទប្រុស អាយុ៣០ឆ្នាំ ជនជាតិខ្មែរ មុខរបរតៃកុងឡានស្ទួច ទីលំនៅភូមិត្រពាំងជួន ឃុំសំរោងទង ស្រុកសំរោងទង ខេត្តកំពង់ស្ពឺ។ បើកបរម៉ូតូ០១គ្រឿងម៉ាកឌ្រីម C១២៥ ពណ៌ខ្មៅ ពាក់ផ្លាកលេខ ភ្នំពេញ ១BI ៩៨៣៧។ ចំណែកម៉ូតូ០១គ្រឿងទៀ ម៉ាកឌ្រីម ពណ៌ខ្មៅ គ្មានផ្លាកលេខ បើកបរដោយឈ្មោះ ផល សុខភឿន (របួសធ្ងន់) ភេទប្រុស អាយុ២៧ឆ្នាំ ជនជាតិខ្មែរ មុខរបរកម្មកររោងចក្រ ស្នាក់នៅភូមិត្រពាំងរាំង ឃុំព្រៃពួច ស្រុកអង្គស្នួល ខេត្តកណ្ដាល បានឌុបឈ្មោះ ហេង សីហា (របួសធ្ងន់) ភេទប្រុស អាយុ២១ឆ្នាំ មុខរបរកម្មកររោងចក្រ ស្នាក់នៅភូមិឃុំជាមួយគ្នា ។
សាក្សីដែរបានឃើញហេតុការណ៍បានប្រាប់ឲ្យដឹងថា នៅមុនពេលកើតហេតុ មានរថយន្តដឹកដី០១គ្រឿង បើកបរឆ្លងផ្លូវពីជើងទៅត្បូង លុះឆ្លងដល់ចំណែកផ្លូវខាងត្បូង ក៍មានរថយន្តនឹងម៉ូតូ ឈប់អោយឆ្លងជាធម្មតា ភ្លាមៗនោះក៍ស្រាប់តែមាន រថយន្ត០១គ្រឿងម៉ាកហ៊ីយ៉ាន់ (ប្រភេទដឹកកម្មករ )ពណ៌ស គ្មានផ្លាកលេខបើកបុកពីក្រោយម៉ូតូ០២គ្រឿង ដែលកំពុងតែឈប់យ៉ាងពេញទំហឹង បោកផ្ទប់នឹងចំហៀងខាងស្ដាំ កង់ក្រោយរថយន្តដឹកដី ដែលឆ្លងផ្លូវ ហើយក៍ខ្ទៀតជនរង គ្រោះចូលខាងក្រោមរថយន្តដឹកដី ក៍កិនពេញកណ្តាលខ្លួនបណ្តាលឲ្យស្លាប់នៅនឹងកន្លែងកើតហេតុតែម្ដង។ ពាក់ពន្ធ័និងករណីចរាចរណ៍ខាងលើនេះដែលតៃកុងរថយន្តដឹកកម្មករនិងតៃកុងរថយន្តដឹកដីបានចុះរត់គេចខ្លួនមុនសមត្ថកិច្ចទៅដល់កន្លែងកើតហេតុ។
តាមសេចក្តីសន្ឋិដ្ធានសមត្ថកិច្ច ករណីគ្រោះថ្នាក់ចរាចរណ៍នេះបណ្តាលមកពីអ្នកបើកបររថយន្តម៉ាកហ៊ីយ៉ាន់ដាយ (ប្រភេទដឹកកម្មករ) បើកបរខ្វះការប្រុងប្រយ័ត្ន។ ចំពោះសពកំលាំងជំនាញបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី។ ចំពោះមធ្យោបាយកម្លាំងជំនាញបាន យកមករក្សាទុកនៅអធិការដ្ឋាននគបាលស្រុក រងចាំដោះស្រាយគ្នានៅពេលក្រោយ៕
