បរទេស ៖ ទឹកជំនន់បង្កឡើងដោយភ្លៀងធ្លាក់ខ្លាំងនៅថ្ងៃអង្គារនេះធ្វើឱ្យផ្នែកជាច្រើននៃរដ្ឋធានីឥណ្ឌូណេស៊ីត្រូវបានកាត់ផ្ដាច់ចរន្ដអគ្គិសនី និងផ្លូវធំៗមួយចំនួនក្នុងទីក្រុងត្រូវបានជន់លិច នេះបើតាមការចេញផ្សាយសារព័ត៌មាន Bangkok Post នាថ្ងៃទី២៥ ខែកុម្ភៈ ឆ្នាំ២០២០។
ទីភ្នាក់ងារអាកាសធាតុឥណ្ឌូនេស៊ីបាននិយាយថា ភ្លៀងត្រូពិចរួមជាមួយនិងព្យុះដែលទទួលឥទ្ធិពលពីអូស្រ្តាលី និងនៅមហាសមុទ្រឥណ្ឌាបានបង្កឱ្យមានអាកាសធាតុអាក្រក់ ដែលបានឆ្លងកាត់តាមរយៈកោះJava កោះ Bali និង Nusa Tenggara ដែលទីភ្នាក់ងារនេះបានព្រមានពី រលកខ្ពស់ ៗ នៅសមុទ្រភាគខាងត្បូងកោះ Java បង្ករជាឥទ្ធិពលនៃទឹកជំនន់នៅឥណ្ឌូនេស៊ី។ទឹកជំនន់មានសភាពធ្ងន់ធ្ងរជាពិសេសនៅតំបន់ Bekasi ភាគខាងលិចនៃទីក្រុង បើទោះបីជាមានការធ្លាក់ចុះតិចតួចក្នុងទីក្រុងពីការវាយលុកនៃបញ្ហានេះក៏ដោយ។
ប៉ូលិសចាការតាតាមរយៈគណនី Instagram របស់ខ្លួនបានព្រមានអំពីការបិទផ្លូវ និងសេវាកម្មរថភ្លើងដោយសារទឹកជំនន់ ខណៈក្រុមហ៊ុនអគ្គិសនីរដ្ឋឥណ្ឌូនេស៊ី Perusahaan Listrik Negara បាននិយាយក្នុងសេចក្តីថ្លែងការណ៍មួយថា អគ្គិសនីមួយចំនួនត្រូវបានបិទក្នុងចំណោមស្ថានីយចំនួន៣២៦ ដើម្បីធានាសុវត្ថិភាពដល់ពលរដ្ឋ៕
