ភ្នំពេញ ៖ Decathlon Cambodia បានប្រារព្វព្រឹត្តិការណ៍Decathlon Sports Festival លើកទី៣ ដែលជាព្រឹត្តិការណ៍កីឡាធំជាងគេនៅកម្ពុជា ដោយមានការចូលរួមសហការណ៍ពីដៃគូទាំង២១រួមមានក្លិបកីឡា និងសហព័ន្ធកីឡា នាថ្ងៃទី១២ ខែមករា ឆ្នាំ២០២០ នៅផ្សារទំនើបអឺអនម៉ល សែនសុខស៊ីធី។
លោក ចេប៊ី (Jean Baptiste Prigent) អ្នកគ្រប់គ្រងDecathlon បានថ្លែងក្នុងពិធីឱ្យដឹងថា Decathlon Sports Festival បានធ្វើឡើងចំនួន២លើករួចមកហើយកាលពីឆ្នាំ២០១៩ ហើយបានទទួលការគាំទ្រយ៉ាងពេញទំហឹងពីសំណាក់ អ្នកចូលចិត្តលេងកីឡា និងគាំទ្រវិស័យកីឡាក្នុងប្រទេសកម្ពុជា។
លោក ចេប៊ី បានបញ្ជាក់ថា ព្រឹត្តិការណ៍នេះគឺបង្កើតឡើងក្នុងគោលដៅពង្រីកនៅសក្តានុពលនៃការលេងកីឡា និងជួយដល់ប្រជាជនកម្ពុជាឲ្យបានស្វែងយល់ពីកីឡាឲ្យបានច្រើន។ អ្នកចូលរួមអាចចូលរួមលេងដោយសេរី។ ជាពិសេសនោះគឺមានកម្មវិធីកីឡាជាច្រើនដូចជាបាល់ទាត់ ហ្សាមបា យូហ្គា បាល់បោះ ប៉េងប៉ុង ជិះសេះ ឡើងភ្នំត្រាំប៉ូលីន និងការសម្តែងសមត្ថភាពពីដៃគូសហ៏ការណ៍។ Decathlon គឺជាក្រុមហ៊ុនកីឡាបារាំងមួយដែលបានបង្កើតឡើងនៅក្នុងឆ្នាំ១៩៧៦ហើយកំពុងប្រតិបត្តិការនៅក្នុង៥០ ប្រទេសទូទាំងពិភពលោកនាពេលបច្ចុប្បន្ននេះ។ គោលបំណងរបស់ Decathlon គឺដើម្បីផ្តល់ជូន៍នូវសម្ភារកីឡាដ៏សម្បូរបែបសម្រាប់អ្នកលេងកីឡាទាំងអស់នៅកម្ពុជា។
សូមរំលឹកថា Decathlon បានមកដល់ប្រទេសកម្ពុជាតាំងពីឆ្នាំ២០១១ដោយបានចាប់ផ្តើមធ្វើការផលិតសម្លរកីឡានៅ ក្នុងប្រទេសកម្ពុជា ហើយនៅឆ្នាំ២០១៨ បានចាប់ផ្តើមការលក់រាយនូវសម្ភារកីឡាជាមួយនឹងគោលបំណងដើម្បីផ្តល់ភាពងាយស្រួលដល់ប្រជាពលរដ្ឋនៅក្នុងប្រទេសកម្ពុជាក្នុងការស្វែងរកសម្ភារកីឡាដែលពួកគេត្រូវការ។
Úecathlon រចនា បង្កើត និងផលិត ហើយលក់ផលិតផលស្តង់ដាដែលមានគុណភាពខ្ពស់ជាមួយនឹងតម្លៃសមរម្យ ដែលអាចទទួលយកបាន ដែលមានកីឡាជាង៥០សម្រាប់អ្នកចាប់ផ្តើមដំបូង នឹងកីឡាករដែលមានបទពិសោធន៍ ឬអ្នកជំនាញ៕
