ភ្នំពេញ ៖ កីឡាករជើងថ្មី ឈុត សេរីវ៉ាន់ថង អ្នកប្រដាល់មកពីក្លិបរាហ៊ូកីឡា ខេត្តបាត់ដំបង ជួបកីឡាករថៃស៊ែនភេត ស៊ីត.លួងពូឧដុម ខណៈកីឡាករថន ភឿត អ្នកប្រដាល់របស់ក្លិបឃ្លាំងមឿងកីឡាខេត្តពោធិសាត់ ជួបកីឡាករឌែនសាយ៉ាម វ៉.ស៊ុងនឺន ដើម្បីដណ្តើមប្រាក់លាន នៅលើសង្វៀនស៊ីអិនស៊ី នាថ្ងៃទី២៣ ខែកុម្ភៈ ឆ្នាំ២០១៩នេះ។
កីឡាករឈុត សេរីវ៉ាន់ថង ត្រូវជួបជាមួយកីឡាករថៃស៊ែនភេត ស៊ីត.លួងពូឧដុម ក្នុងប្រភេទទម្ងន់៥៧គីឡូក្រាម អ្នកទាំងពីរមិនធ្លាប់ជួបគ្នាទេក្នុងការដណ្តើមប្រាក់លាននេះ តែកីឡាករថៃម្នាក់នេះធ្លាប់មកប្រកួតជាមួយកីឡាករកម្ពុជា ជាច្រើននាក់មកហើយ ស្នៀតខ្លាំងរបស់គេគឺជើងទាត់កាត់ ជង្គង់ និងស្នៀតកាច់ផ្តួល ដែលធ្វើឲ្យកីឡាករកម្ពុជាពិបាកយកឈ្នះនៅស្នៀតទាំងនេះ។
ចំណែកកីឡាករឈុត សេរីវ៉ាន់ថង វិញត្រូវបានអ្នកតាមដានលើកឡើងថា កីឡាករកម្ពុជាមានសង្ឃឹមឈ្នះច្រើនព្រោះកីឡាករឈុត សេរីវ៉ាន់ថង នាពេលបច្ចប្បន្ននេះនរណាក៍ទទួលស្គាល់ថា ជាកីឡាករជើងខ្លាំងវ័យក្មេង១រូប ដែលកំពុងទទួល បានការគាំទ្រយ៉ាងច្រើនកុះករ ពីអ្នកស្នេហាវិស័យកីឡាប្រដាល់កម្ពុជា ជាមួយនឹងការចេះប្រើក្បាច់គ្រប់ស្នៀត ដើម្បីផ្ដួលគូប្រកួតរបស់ខ្លួន រួមផ្សំជាមួយកម្លាំងស៊ុហ្វដ៍ខ្លាំងរបស់គេផងនោះ ធ្វើឲ្យកីឡាករក្នុងស្រុក និងក្រៅស្រុកត្រូវបានចុះចាញ់ជាបន្តបន្ទាប់។
ការអះអាងបែបនេះក៍ដោយសាឈុត សេរីវ៉ាន់ថង មួយរយៈពេលចុងក្រោយនេះ មានការរីកចំរើនជាងមុនច្រើនទាំងស្នៀតគុនទាំងកម្លាំងស៊ុហ្វ ពោលគឺគេហ្វឹកហាត់បានជាប់លាប់ ធានាបានក្នុងការប្រកួតប្រាំទឹកដោយគ្មានបញ្ហាអ្វីឡើយហើយទើបនិងឈ្នះពានរង្វាន់ថ្មីៗកន្លងមកនេះថែមទៀតផង។ ជាងនេះទៅទៀតនោះឈុត សេរីវ៉ាន់ថង ជាអ្នកប្រដាល់ដែលឡើងប្រកួតកម្រចាញ់គូរប្រកួតណាស់ព្រោះរូបគេ ប្រកួតមិនចេះលាក់កម្លាំងនិងមានស្នៀតពិសេសដើម្បីផ្តួលដៃគូឲ្យសន្លប់ថែមទៀតផង ហើយមានបទពិសោធន៍និងតិចនិកក្នុងការប្រកួតច្រើន ជាមួយកីឡាករក្នុងស្រុកនិងកីឡាករបរទេសថែមទៀត។ ចាំមើលឈុត សេរីវ៉ាន់ថង អាចយកឈ្នះលើកីឡាករថៃស៊ែនភេត ស៊ីត.លួងពូឧដុម ដូចការអះអាងរបស់អ្នកតាមដានកីឡាប្រដាល់កម្ពុជាដែរឬយ៉ាងណ?។
ដោយឡែកថន ភឿត ត្រូវជួបជាមួយកីឡាករថៃឌែនសាយ៉ាម វ៉.ស៊ុងនឺន រវាងកីឡាករទាំង២នាក់នេះមិនមានអ្នកណាហ៊ានទស្សទាយមុនថាកីឡាករមួយណាជាអ្នកឈ្នះនោះទេ ព្រោះកីឡាករកម្ពុជា ជាអ្នកប្រដាល់ជើងថ្មីដែលទើបចូលប្រឡូកលើសង្វៀន ហើយកីឡាករថៃក៍ពុំទាន់ដឹងថា មានវិជ្ជាគុនខ្លាំងប៉ុណ្ណានោះដែរ។ ចាំមើលរវាងកីឡាករជើងថ្មី ឈុត សេរីវ៉ាន់ថង និងកីឡាករថៃឌែនសាយ៉ាម វ៉.ស៊ុងនឺន នរណាជាអ្នកឈ្នះ?៕
