ភ្នំពេញ ៖ ជនសង្ស័យចំនួន ០៩នាក់ ត្រូវបានកម្លាំងផ្នែកជំនាញ សហការណ៍ជាមួយកម្លាំងប៉ុស្តិ៍នគរបាលរដ្ឋបាលពញាពន់ ធ្វើការឃាត់ខ្លួន ក្នុងករណីជួញដូរ រក្សាទុក សម្រួលផ្ដល់ទីតាំង និងប្រើប្រាស់ដោយខុសច្បាប់នូវសារធាតុញៀន កាលពីវេលាម៉ោង១១ និង៣០នាទី នាថ្ងៃទី១១ ខែមករា ឆ្នាំ២០១៩ នៅចំណុចផ្លូវ១៥១ ភូមិបឹង សង្កាត់ពញ្ញាពន់ ខណ្ឌព្រែកព្នៅ រាជធានីភ្នំពេញ។
ជនសង្ស័យទាំង៩នាក់នេះទី១.ឈ្មោះ យ៉ុង លី ភេទប្រុស អាយុ២១ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅផ្ទះគ្មានលេខ ផ្លូវបេតុង ភូមិធំត្បូង សង្កាត់ពញ្ញាពន់ ខណ្ឌព្រែកព្នៅ រាជធានីភ្នំពេញ។ ទី២.ឈ្មោះ យ៉ុង តាក់ ភេទប្រុស អាយុ២៨ឆ្នាំ ជនជាតិខ្មែរ មុខរបរជាងដែក មានទីលំនៅ ផ្ទះគ្មានលេខ ផ្លូវលំ ភូមិដំណាក់ត្រាច ឃុំក្សេមក្សាន្ត ស្រុកឧដុង្គ ខេត្តកំពង់ស្ពឺ។
ទី៣.ឈ្មោះ យ៉ុង ចាន់នី ភេទស្រី អាយុ១៨ឆ្នាំ ជនជាតិខ្មែរ មុខរបរពិតប្រាកដ មានទីលំនៅ ផ្ទះគ្មានលេខ ផ្លូវបេតុង ភូមិធំត្បូង សង្កាត់ពញាពន់ ខណ្ឌព្រែកព្នៅ រាជធានីភ្នំពេញ។ ទី៤.ឈ្មោះ គួន ចាន់លី ភេទប្រុស អាយុ២០ឆ្នាំ ជនជាតិខ្មែរ មុខរបរកម្មករ មានទីលំនៅ ផ្ទះគ្មានលេខ ផ្លូវបេតុង ភូមិធំត្បូង សង្កាត់ពញាពន់ ខណ្ឌព្រែកព្នៅ រាជធានីភ្នំពេញ។ ទី៥.ឈ្មោះ ធន សីហា ភេទប្រុស អាយុ២២ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅ ផ្ទះគ្មានលេខ ផ្លូវបេតុង ភូមិត្រពាំងអំពិល សង្កាត់ពន្សាំង ខណ្ឌព្រែកព្នៅ រាជធានីភ្នំពេញ។ ទី៦.ឈ្មោះ ស្ដើង ចាន់នី ភេទប្រុស អាយុ២៨ឆ្នាំ ជនជាតិខ្មែរ មុខរបរកម្មករ មានទីលំនៅ ផ្ទះគ្មានលេខ ផ្លូវលំ ភូមិរំលេច ឃុំទួលព្រិច ស្រុកអង្គស្នួល ខេត្តកណ្ដាល។
ទី៧.ឈ្មោះ ផល រ៉ាវី ភេទប្រុស អាយុ២៥ឆ្នាំ ជនជាតិខ្មែរ មុខរបរកម្មករ មានទីលំនៅ ផ្ទះគ្មានលេខ ផ្លូវលំ ភូមិរំលេច ឃុំទួលព្រិច ស្រុកអង្គស្នួល ខេត្តកណ្ដាល។ ទី៨.ឈ្មោះ ផាន់ រតនៈ ភេទប្រុស អាយុ២៩ឆ្នាំ ជនជាតិខ្មែរ មុខរបរជាងដែក មានទីលំនៅ ផ្ទះគ្មានលេខ ផ្លូវលំ ភូមិស្វាយ ឃុំឈ្វាំង ស្រុកពញាឮ ខេត្តកណ្ដាល។ និងទី៩.ឈ្មោះ ឆន រស្មី ភេទប្រុស អាយុ១៩ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅ ផ្ទះគ្មានលេខ ផ្លូវលំ ភូមិត្រពាំងរបង ឃុំជ្រៃលាស់ ស្រុកពញាឮ ខេត្តកណ្ដាល។
សម្ភារៈដកហូត១.ក្រាមពណ៌សថ្លាមានតម្រុយជាគ្រឿងញៀនចំនួន ០៧កញ្ចប់ថង់តូច។
២.កាបូបពណ៌ស ចំនួន០១។ ៣.ថង់ប្លាស្ទិកសម្រាប់ច្រកគ្រឿងញៀន មួយចំនួន។ ៤.ឧបករណ៍សម្រាប់ប្រើប្រាស់គ្រឿងញៀន មួយចំនួន។ ៥.បន្ទះស្លាកលេខ ភ្នំពេញ១CC-៣៣៩០ ចំនួន០១សន្លឹក។ ៦.លោហៈធាតុពណ៌លឿងទុំ(ខ្សែដៃ) ចំនួន០១ខ្សែ។ ៧.ទូរស័ព្ទចំនួន ០២គ្រឿង។ ៨.ម៉ូតូម៉ាក ហុងដាវ៉េវ ពណ៌ខ្មៅ ពាក់ស្លាកលេខ បន្ទាយមានជ័យ១C-៩៤០២ ចំនួន០១គ្រឿង និងមួយគ្រឿងទៀតម៉ាក ស៊ុយស៊ូគីនិច ពណ៌ស ពាក់ស្លាកលេខភ្នំពេញ១GA-៤៣៨២ ចំនួន០១គ្រឿង។
សមត្ថកិច្ចបានឲ្យដឹងថា នៅមុនពេលកើតហេតុ កម្លាំងផ្នែកជំនាញ នៃអធិការដ្ឋាននគរបាលខណ្ឌព្រែកព្នៅ សហការណ៍ជាមួយកម្លាំងប៉ុស្ដិ៍នគរបាលរដ្ឋបាលពញាពន់ បានប្រទះឃើញជនសង្ស័យចំនួន០២ ដែលមានឈ្មោះ ផល រ៉ាវី ភេទប្រុស អាយុ២៩ឆ្នាំ និងឈ្មោះ ស្ដើង ចាន់នី ភេទប្រុស អាយុ២៨ឆ្នាំ ជិះម៉ូតូម៉ាកស៊ុយស៊ូគីនិច ពណ៌ស ពាក់ស្លាកលេខភ្នំពេញ១GA-៤៣៨២ ចំនួន០១គ្រឿង ដោយមានការសង្ស័យកម្លាំងសមត្ថកិច្ចយើងហៅឲឈប់ដើម្បីធ្វើការត្រួតពិនិត្យ ឆែកឆេរ រកឃើញក្រាមពណ៌សថ្លា មានតម្រុយជាគ្រឿងញៀនចំនួន០១កញ្ចប់ថង់តូច ភ្លាមនោះកម្លាំងយើងក៏បានធ្វើការឃាត់ខ្លួនជនសង្ស័យខាងលើមកប៉ុស្ដិ៍នគរបាលរដ្ឋបាលពញាពន់។
ប្រភពដដែលបានឲ្យដឹងទៀតថា បន្ទាប់ពីមានចម្លើយសារភាពពីជនសង្ស័យទាំងពីរខាងលើ ថាខ្លួនបានទិញគ្រឿងញៀនពីឈ្មោះ យ៉ុង លី ភេទប្រុស អាយុ២១ឆ្នាំ មុខរបរមិនពិតប្រាកដ មានទីលំនៅ ផ្លូវលំ ភូមិធំត្បូង សង្កាត់ពញាពន់ ខណ្ឌព្រែកព្នៅ រាជធានីភ្នំពេញ នឹងដោយមានការឯកភាព និងសម្របសម្រួល ពីលោក កុល បុន ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានអនុញ្ញាតឲ្យកម្លាំងសមត្ថកិច្ចយើងនាំខ្លួនជនសង្ស័យទាំង០២នាក់ទៅចង្អុលបង្ហាញទីតាំង ជួញដូរគ្រឿងញៀនខាងលើ ថ្ងៃខែឆ្នាំដដែល លុះវេលាម៉ោងប្រហែល១៤ និង៣០នាទី កម្លាំងយើងបានធ្វើឃាត់ខ្លួនជនសង្ស័យចំនួន០៧ផ្សេងទៀត ១.ឈ្មោះ យ៉ុង លី ភេទប្រុស អាយុ២១ឆ្នាំ ទី២.ឈ្មោះ យ៉ុង ចាន់នី ភេទស្រី អាយុ១៨ឆ្នាំ ទី៣.ឈ្មោះ យ៉ុង តាក់ ភេទប្រុស អាយុ២៨ឆ្នាំ ទី៤.ឈ្មោះ ឆន រស្មី ភេទប្រុស អាយុ១៩ឆ្នាំ ទី៥.ឈ្មោះ ផាន់ រតនៈ ភេទប្រុស អាយុ២៥ឆ្នាំ ទី៦.ឈ្មោះ ធន សីហា ភេទប្រុស អាយុ២២ឆ្នាំ និងទី៧.ឈ្មោះ គួនចាន់លី ភេទប្រុស អាយុ២០ឆ្នាំ រួមនិងវត្ថុតាងយកមកអធិការដ្ឋាននគរបាលខណ្ឌព្រែកព្នៅ ដើម្បីធ្វើការសាកសួរ និងកសាងសំណុំរឿងបញ្ជូនទៅតុលាការ ចាត់ការទៅតាមផ្លូវច្បាប់៕
