ភ្នំពេញ ៖ កីឡាករផល សោភ័ណ្ឌ អ្នកប្រដាល់របស់ក្លិបតឡីដំរីមានរិទ្ធ ឡើងសាកវិជ្ជាគុននិងកីឡាករថៃនឹកត្រាក់កាន ក.កាមន្តវ៉ាត់ ខណៈកីឡាករលិញ ភារម្យ អ្នកប្រដាល់មកពីក្លិបភារម្យគុនខ្មែរ ជួបកីឡាកររេមបូ ម៉.រ៉ាជផាត់មូបានចមបឹង នៅលើសង្វៀនស៊ីអិនស៊ី នាថ្ងៃអាទិត្យទី២៨ ខែតុលា ឆ្នាំ២០១៨នេះ។
កីឡាករផល សោភ័ណ្ឌ ត្រូវជួបជាមួយកីឡាករថៃនឹកត្រាក់កាន ក.កាមន្តវ៉ាត់ ក្នុងប្រភេទទម្ងន់៦៣.៥គីឡូក្រាម គូរនេះត្រូវបានអ្នកវិភាគប្រដាល់លោកឡើងថា ផល សោភ័ណ្ឌ មានប្រៀបឈ្នះច្រើនជាង ព្រោះគេជាកីឡាករជើងខ្លាំងម្នាក់ដែលលេងស្នៀតកណ្តាប់ដៃ និងកែងហើយឡើងប្រកួតលើកណាក៏ពិបាករកដៃគូមកផ្តួលឱ្យគេឲ្យចាញ់ពិន្ទុ ឬសន្លប់នៅលើរេញណាស់។
អ្នកស្នេហាកីឡាប្រដាល់ភាគច្រើនកំពុងនាំគ្នាយល់ថាផល សោភ័ណ្ឌ គេជាកីឡាករដែលមានសក្តានុពល ហើយមានសមត្ថភាពគួរឱ្យសរសើរ ដោយម្នាក់ៗហាក់សម្តែងនូវទំនុកចិត្តចង់ទស្សនាយ៉ាងខ្លាំងនៅគ្រប់ ពេលកីឡាកររូបនេះឡើងរេញប្រកួតម្តងៗនោះ។ ចាំមើលកីឡាករផល សោភ័ណ្ឌ ជួបជាមួយកីឡាករថៃនឹកត្រាក់កាន ក.កាមន្តវ៉ាត់ អាចយកឈ្នះដូចអ្នកវិភាគប្រដាល់ក្នុងស្រុកឬយ៉ាងណា?។
ដោយឡែកកីឡាករលិញ ភារម្យ ត្រូវជួបជាមួយកីឡាករថៃរេមបូ ម៉.រ៉ាជផាត់មូបានចមបឹង ក្នុងប្រភេទទម្ងន់៦០គីឡូក្រាម អ្នកទាំងពីរមិនធ្លាប់ជួបគ្នាទេកន្លងមក តែកីឡាករថៃម្នាក់នេះធ្លាប់មកប្រកួតនៅប្រទេសកម្ពុជាជាច្រើនលើកមកហើយ ស្នៀតខ្លាំងរបស់គេគឺជើងទាត់កាត់ ជង្គង់ និងស្នៀតកាច់ផ្តួល។
ចំណែកកីឡាករលិញ ភារម្យ គេជាកីឡាករជើងថ្មីកំពុអធ្វើអោយអ្នកតាមដានប្រដាល់ចាប់អារម្មន៍ចំពោះស្នៀតប្រយុទ្ធរបស់គេ ការប្រកួតកន្លងមកគេប្រើបានទាំងដៃទាំងជើងតែម្តងលិញ ភារម្យ គេជាអ្នកស្រករក្រោយមែនតែចិត្តរបស់គេធំខ្លាំងណាស់មិនតែប៉ុណ្ណោះ គេវ៉ៃដោយហ៊ានប្ដូរកែងជាមួយគូប្រកួតដោយគ្មានញញើតទៀតផង។ ចាំមើលរវាងកីឡាករលិញ ភារម្យ និងកីឡាករថៃរេមបូ ម៉.រ៉ាជផាត់មូបានចមបឹង នរណាជាអ្នកឈ្នះ?៕ 
