ត្បូងឃ្មុំ៖ កម្លាំងនគរបាលប៉ុស្តិ៍រដ្ឋបាលក្រែក បានចុះធ្វេីរដ្ឋបាលចំហរដេីម្បីត្រួតពិនិត្យឆែកឆេរអាវុធជាតិផ្ទុះ នៅល្ងាចថ្ងៃទី១៣ ខែមិថុនា ឆ្នាំ២០១៨ ចំណុចភូមិជីមាន់ជេីង ឃុំក្រែក ស្រុកពញាក្រែក ខេត្តត្បូងឃ្មុំ បានឃាត់ខ្លួនជនសង្ស័យម្នាក់ និងរឹបអូសថ្នាំញៀនបានមួយចំនួនផងដែរ ។
នគរបាលប៉ុស្តិ៍បានបញ្ជាក់ថា ក្រោមការដឹកនាំដ៍ឈ្លាសវៃរបស់លោកឧត្តមសេនីយ៍ទោ បែនរ័ត្ន ស្នងការនគរបាលខេត្តត្បូងឃ្មុំ បានណែនាំអោយកងកំលាំងតាមផែនជំនាញ ចេញល្បាតពួនស្ទាក់បង្ការ និងបង្ក្រាបក្រែងលោមានបទល្មេីសកេីតឡេីង ស្រាប់តែនៅថ្ងៃប្រតិបត្តិខាងលេី កំលាំងប៉ុស្តិ៍រដ្ឋបាលក្រែកនៃអធិការដ្ឋាននគរបាលស្រុកពញាក្រែកបាន ចុះធ្វើរដ្ឋបាលចំហរ ត្រួតពិនិត្យឆែកឆេរអាវុធជាតិផ្ទុះ នៅចំណុចភូមិជីមាន់ជើង ឃុំក្រែក ស្រុកពញាក្រែក បានប្រទះមុខសញ្ញាសង្ស័យម្នាក់ឈ្មោះ ផាត សុភ័ក្ត្រ ភេទប្រុស អាយុ៣៩ឆ្នាំ រស់នៅភូមិឡ ឃុំកោងកាង ស្រុកពញាក្រែក ខេត្តត្បូងឃ្មុំ កំពុងជិះម៉ូតូពេលនោះសមត្ថកិច្ចបានហៅអោយឈប់រួចធ្វើការឆែកឆេរ រកឃើញម្សៅក្រាមពណ៌សថ្លា សង្ស័យថ្នាំញៀចំនួន១៦កញ្ចប់ ឃើញដូច្នេះសមត្ថកិច្ចយើងបានចាប់ឃាត់ខ្លួនឈ្មោះ ផាត សុភ័ក្ត្រ បញ្ជូនមកធ្វើការសាកសួរនៅអធិការនគរបាលស្រុកពញាក្រែកតែម្តង។
បច្ចុប្បន្នជនសង្ស័យខាងលើនេះជំនាញបាននឹងកំពុងសាកសួរព្រមទាំងកសាងសំណុំរឿងដេីម្បីបញ្ជូនទៅសាលាដំបូងខេត្ត ដើម្បីចាត់ការទៅតាមនិតិវិធី ៕
