ភ្នំពេញ ៖ អាជ្ញាធរខណ្ឌបឹងកេងកង និងកងកម្លាំងមានសមត្ថកិច្ចទាំងអស់ដែលដឹកនាំដោយលោកសុខ សម្បត្តិ អភិបាលនៃគណៈអភិបាលខណ្ឌបឹងកេងកង បានយកអស់កម្លាំងកាយចិត្ត បម្រើជូនប្រជាពលរដ្ឋ បានយ៉ាងល្អ ដោយគ្រប់សេវាសាធារណៈគ្រប់មុខសញ្ញាដែលរាជរដ្ឋាភិបាលបានប្រគល់ឲ្យអនុវត្ត មិនមានប្រភេទសេវាណាមួយដែលប្រជាពលរដ្ឋមិនសប្បាយចិត្តនោះឡើយ ជាងនេះទៅទៀតអាជ្ញាធរខណ្ឌបឹងកេងកង បានអនុវត្តគោលនយោបាយភូមិ សង្កាត់មានសុវត្ថិភាពបានល្អ ធ្វើឱ្យប្រជាពលរដ្ឋទទួលបានភាពកក់ក្តៅថែមទៀតផង។
ការកោតសរសើររបស់លោកគឹម ឈុនអ៊ូ ប្រធានក្រុមប្រឹក្សាខណ្ឌបឹងកេងកង បែបនេះបានធ្វើឡើងក្នុងកិច្ចប្រជុំសាមញ្ញលើកទី១២ អាណត្តទី៤ របស់ក្រុមប្រឹក្សាខណ្ឌ នាព្រឹកថ្ងៃទី២៣ ខែឧសភា ឆ្នាំ២០២៥នេះ ក្រោមវត្តមាន លោក សុខ សម្បត្តិ អភិបាល នៃគណៈអភិបាលខណ្ឌបឹងកេងកង គណៈអភិបាល គណៈនាយក និងមន្ត្រីថ្នាក់ខណ្ឌ និងសង្កាត់ជាច្រើនរូបទៀតផងដែរ។
បន្ថែមពីនោះ លោក គឹម ឈុនអ៊ូ មានប្រសាសន៍ទៀតថា ក្នុងខែឧសភា ក៍ដូចជាខែកន្លងមក នេះអាជ្ញាធរខណ្ឌបឹងកេងកង បានខិតខំប្រឹងប្រែង ការពារសន្ដិសុខ រក្សាសណ្ដាប់ធ្នាប់ របៀបរៀបរយសាធារណៈ ជូនប្រជាពលរដ្ឋ ក្នុងមូលដ្ឋាន ក៏ដូចជាថ្នាក់ដឹកនាំ បានយ៉ាងល្អប្រសើរ។ លោកបានកោដសរសើរ និង លើកទឹកចិត្ត ដល់កងកម្លាំងគ្រប់ផ្នែកទាំងអស់ ព្រមទាំងរដ្ឋបាលខណ្ឌទាំងមូល សូមបន្ដ យកចិត្តទុកដាក់ បន្ថែមទៀតដើម្បីរក្សា បាននូវសន្ដិសុខសុវត្ថិភាព ជូនថ្នាក់ដឹកនាំ និងប្រជាពលរដ្ឋរស់នៅដោយសុខសាន្ត។
ក្នុងឱកាសនោះសុខ សម្បត្តិ ក៏បានថ្លែងនូវអាការអរគុណ ចំពោះការកោតសរសើរ ពីលោកប្រធានក្រុមប្រឹក្សាខណ្ឌ ហើយការកោតសរសើរនេះ គឺជាការលើកទឹកចិត្តដ៏ធំធេងដើម្បីឲ្យរដ្ឋបាលខណ្ឌ បន្តអនុវត្តការងារកាន់តែល្អប្រសើរបន្ថែមទៀត។ ជាងនេះទៅទៀតលោកសុខ សម្បត្តិ បានបញ្ជាក់ថា រដ្ឋបាលខណ្ឌ ក្រោមកិច្ចសហការពីអង្គភាពពាក់ព័ន្ធ និងការិយាល័យជំនាញ បានចុះ២ជុំ រួចមកហើយ ដោយលោកបានកត់សម្គាល់ឃើញថា បញ្ហាក្មេងទំនើង គ្រឿងញៀន និងបញ្ហាសុវត្ថិភាពចំណីអាហារ បិស្ថាន អនាម័យ នៅតាមសាលាមានលក្ខណៈល្អប្រើរជាងមុន។ ប៉ុន្ដែទោះជាយ៉ាងនេះក្ដី នៅមានបញ្ហាមួយចំនួនតូចដែលយើងត្រូវដោះស្រាយឲ្យបានមួយរយភាគរយ ហើយសូមឲ្យការិយាល័យអប់រំ បន្ដយកចិត្តទុកដាក់ធ្វើ កិច្ចការនេះ បន្ថែមទៀត។ អ្វីដែលសំខាន់គឺនាយកសាលាគ្រប់សាលាទាំងអស់ក្នុង ខណ្ឌបឹងកេងកង ត្រូវផ្ដល់ព៌តមានពីស្ថានភាពក្មេងទំនើង គ្រឿងញៀន និង បញ្ហាសុវត្ថិភាពចំណីអាហារ តាមសាលានិមួយៗ មកគណៈបញ្ជាការឯកភាពខណ្ឌ ដើម្បីខណ្ឌមានវិធានការ ទប់ស្កាត់ និងបង្ក្រាបបានទាន់ពេលវេលា ក្នុងករណីចាំបាច់។
ជាចុងក្រោយលោក អភិបាលខណ្ឌបឹងកេងកង ក៍បានណែនាំ ចៅសង្កាត់ទាំង៧ ក្នុងនាមគណៈបញ្ជាការឯកភាពសង្កាត់ បន្តយកចិត្តទុកដាក់ទប់ស្កាត់ និងបង្ក្រាបក្រុមក្មេងទំនើង ,ល្បែងស៊ីសង ,បញ្ហាគ្រឿងញៀន និងបង្កើនការចេញល្បាតពួកស្ទាក់នៅក្នុងដែនដីរបស់ខ្លួនឱ្យបានខ្លាំង ដើម្បីត្រៀមបង្ក្រាបចំពោះសភាពការណ៍ លួច , ឆក់ ឬប្លន់ជាដើម ដែលសកម្មភាពទាំងនេះអាចកើតមានឡើងបានគ្រប់ពេល នៅរាល់ពេលដែលជនសង្ស័យមានឱកាសអាចប្រព្រឹត្តិសកម្មភាពបាន៕
