តាមប្រភពព័ត៌មានRT បានផ្សាយឲ្យដឹងថា កំពូលខ្សែប្រយុទ្ធនាំមុខរបស់លីវើភូល និងជាកី ឡាករបាល់ទាត់ដ៏ជាទីសង្ឃឹមរបស់អេហ្សីបបាននិយាយប្រាប់អ្នកកាសែតថា គាត់នៅតែមានជំនឿថា គាត់នឹងជាពីរបួសស្មាបានទាន់ពេលវេលាដើម្បីទៅចូលរួមការប្រកួតដណ្តើមពានរង្វាន់វើលខាប់នៅក្នុងទីក្រុងមូស្គូនាពាក់កណ្តាលខែមិថុនាខាងមុខនេះ។ Salahបានរងរបួសស្មាយ៉ាងធ្ងន់ធ្ងរពេលប៉ះទង្គិចជាមួយខ្សែការពាររៀលម៉ាឌ្រីតក្នុងការប្រកួតដណ្តើមពានរង្វាន់ឆេមពានលីកដែលលីវើភូលចាញ់៣គ្រាប់ទល់នឹង១។
តាមរយៈទ្វីតធរ័កីឡាករSalah បានិយាយកាលពីថ្ងៃអាទឹត្យថា ៖ យប់នោះគឺជាពេលវេលាដ៏អាក្រក់បំផុតសម្រាប់រូបខ្ញុំ ប៉ុន្តែខ្ញុំជាខ្សែប្រយុទ្ធម្នាក់។ បើទោះបីជាមានបញ្ហាខ្លះក៏ដោយខ្ញុំ នៅតែជឿជាក់ថា ខ្ញុំនឹងទៅកាន់ការប្រកួតវើលខាប់នៅប្រទេសរុស្សី ដើម្បីធ្វើឲ្យអ្នកទាំងអស់ គ្នាមានការភ្ញាក់ផ្អើល។ សេចក្តីស្រឡាញ់របស់អ្នក ការគាំទ្ររបស់អ្នកនឹងផ្តល់កម្លាំងចិត្តដ ល់ខ្ញុំ។នេះជាសេចក្តីត្រូវការរបស់ខ្ញុំ៕
