គូព្រេង មិនព្រាត់ !!

បើយោងតាមប្រភពសារព័ត៌មានក្នុងស្រុក បានរាយការណ៍ឲ្យដឹងថា ប្តីប្រពន្ធមកពីទីក្រុង Chengdu ខេត្តស៊ីឈួន ប្រទេសចិន ត្រូវបានគេស្គាល់ឈ្មោះថា លោក Ye មានអាយុ ៣៥ឆ្នាំ ចំណែឯភរិយារបស់លោកវិញ មានឈ្មោះថា Xue មានការភ្ញាក់ផ្អើលយ៉ាងខ្លាំង បន្ទាប់ពីពួកគេទាំងពីរ បានរកឃើញរូបថតមួយសន្លឹក ថតជាប់គ្នាដោយចៃដន្យ កាលពី១៨ឆ្នាំមុន នៅគ្រាដែលពួកគេបានទៅដើរលេងកម្សាន្ត នៅតំបន់ទេសចរណ៍មួយកន្លែង ក្នុងពេលតែមួយ ដូចគ្នា។

នៅអំឡុងគ្រានោះ លោក Ye បានទៅលេងនៅឯតំបន់ឧទ្យានកម្សាន្តខាងលើនេះ ជាមួយនឹងក្រុមអ្នកទេសចរ ខណៈឯនាង Xue វិញ គឺបានទៅលេងនៅទីនោះ ជាមួយនឹងម្តាយរបស់នាង ក្នុងពេលវេលាតែមួយ។ ហើយពួកគេក៏បានថតរូប ជាមួយនឹងតំបន់ទេសចរណ៍ ដ៏ស្រស់ស្អាតខាងលើនេះ ដើម្បីទុកជាអនុស្សាវរីយផងដែរ។

ប៉ុន្តែជារឿងនឹកស្មានមិនដល់ ពួកគេទាំងពីរបានថតរូប នៅទីតាំងតែមួយដូចគ្នាទៀត ដោយនាង Xue បានថតជាប់រូបរបស់លោក Ye នៅពីក្រោយនាង។