Neymaអាចចូលប្រកួតជាមួយRealដោយគ្មានបញ្ហា

អ្នកចាត់ការទូទៅក្លឹបPSGបាននិយាយថាកីឡាករឆ្នើមប្រចាំក្លឹបNeymaអាចនៅមានឱកាសតិចតួចដែរក្នុងការមានលទ្ធភាពចូលប្រកួតនៅពេលក្លឹបPSG ត្រូវប្រកួតជាមួយក្លឹប Realក្នុង វគ្គ៨ក្រុមជើងទី២នៃពានរង្វាន់Champions league នាសប្តាហ៍ខាងមុខដោយសាររបួសរបស់គាត់មិនតម្រូវឲ្យមានការវះកាត់ឡើយ។

លោកEmeryបាននិយាយថា៖ សម្រាប់Neymaយើង មានព៍ត៌មានច្បាស់លាស់ហើយគឺថា គាត់មិនតម្រួវឲ្យមានការវះកាត់របួសនោះទេ។ លោកបានបដិសេធន៍របាយការណ៍ពីមុនៗដែលផ្សាយនៅក្នុងប្រព័ន្ធឃោសនារបស់ប្រេស៊ីលដែលថា កីឡាករដ៏មានតម្លៃថ្លៃជាងគេលើលោកនេះមានរបួសបាក់ឆ្អឹងក្រោមជង្គង់ហើយតម្រូវឲ្យមានការវះកាត់។

លោកបាននិយាយទៀតថា Neymaដំបូងបំផុតគឺ គាត់ចង់លេងគ្រប់ការប្រកួតទាំងអស់ ហើយគាត់ផ្តោតការយកចិត្តទុកដាក់ខ្លាំងណាស់ក្នុងការប្រកួតជាមួយReal.ខ្ញុំគិតថាគាត់ គាត់មានឱកាស ហើយគាត់ពិតជាបានប្រុងប្រៀបខ្លួនរួចស្រេចហើយក្នុងការប្រកួតនេះ៕