កាំភ្លើងធំ Arsenal ផ្តល់ទឹកប្រាក់40លានផោនទៅកាន់ PSG សំរាប់កីឡាករ Julian Draxler

ក្លឹបកាំភ្លើង Arsenal បានរកឃើញអ្នកជំនួសកីឡាករ Alexis Sanchez ហើយ បើសិនជាកីឡាករឈីលីរូបនេះចាកចេញទៅកាន់ក្លឹប Man City នាខែមករាមែននោះ។

កីឡាករ Julian Draxler អាយុ២៤ឆ្នាំ ពិតជាសាកសមសំរាប់ជំនួសកន្លែងរបស់ Sanchez ពិតមែន នេះបើតាមយោងលោកគ្រូបង្វឹក Aresne Wenger បាននិយាយ។

Sanchez បានពាក់ព័ន្ទផ្ទេរទៅកាន់ Man City នាខែមករាខាងមុខនេះ ក្នុងតំលៃខ្លួន40លានផោន ដើម្បីយកលុយនេះទៅទិញកីឡាករ Draxler វិញ។

លោក Arsene Wenger បាននិយាយថា ៖ គាត់សម្រេចចិត្តលក់ Sanchez ព្រោះមិនចង់បាត់បង់រូបគេដោយគ្មានតំឡៃខ្លួនឡើយ។ បើគេមិនលក់ក្នុងខែមករានេះទេ នោះចុងរដូវកាលក្រោយ Sanchez នឹងចាកចេញពីក្លឹប Free តែម្តង។