បរទេស ៖ តៃវ៉ាន់បានបណ្ដេញនាវាឆ្មាំសមុទ្រចិន ដែលបានចូលដែនទឹក ក្បែរកោះតៃវ៉ាន់ ដាច់ស្រយាលមួយ ទីក្រុងតៃប៉ិ បាននិយាយកាលពីថ្ងៃអង្គារ ខណៈដែលភាពតានតឹង ឆ្លងកាត់ច្រកសមុទ្រកើនឡើង បន្ទាប់ពីការស្លាប់ របស់អ្នកនេសាទចិនពីរនាក់ កាលពីសប្តាហ៍មុន នៅពេលដែលទូក របស់ពួកគេត្រូវបានដេញ ដោយអាជ្ញាធរតៃវ៉ាន់។
កប៉ាល់ចិនបានចូលដែនទឹក នៅជិតកោះ Kinmen ចម្ងាយតែពីរបីគីឡូម៉ែត្រពីកោះ Xiamen ដែលជាទីក្រុងកំពង់ផែក្នុងខេត្ត Fujian របស់ប្រទេសចិននៅម៉ោង ៩ ព្រឹក ហើយបានចាកចេញមួយម៉ោង ក្រោយមកបន្ទាប់ពីទូកតៃវ៉ាន់ បានបើកចេញដោយប្រើឧបករណ៍វិទ្យុ និងឧបករណ៍ផ្សាយ នេះបើតាមរដ្ឋបាលឆ្មាំសមុទ្រតៃវ៉ាន់។
មួយថ្ងៃមុននេះ ចិនបានត្រួតពិនិត្យកប៉ាល់ ទេសចរណ៍តៃវ៉ាន់ នៅក្នុងតំបន់នេះ ដោយមន្ត្រីឆ្មាំសមុទ្រចិន បានត្រួតពិនិត្យផែនការផ្លូវ វិញ្ញាបនបត្រ និងអាជ្ញាប័ណ្ណរបស់ប្រធានក្រុម និងនាវិក របស់ខ្លួន។កាលពីព្រឹកថ្ងៃអង្គារ នាយករដ្ឋមន្ត្រីតៃវ៉ាន់ លោក Chen Chien-jen បានអំពាវនាវឱ្យភាគីទាំងពីរ នៃច្រកសមុទ្រតៃវ៉ាន់ “សមហេតុផល” និងសហការដើម្បីរួមគ្នា រក្សាសន្តិសុខនៅក្នុងតំបន់សមុទ្រ។
នាវាទេសចរណ៍នេះមានសមាជិកនាវិក ១១ នាក់ និងអ្នកដំណើរ ២៣នាក់ និងមានចម្ងាយប្រហែល ៥,២គីឡូម៉ែត្រភាគពាយព្យនៃទីក្រុង Wushajiao របស់កោះ Kinmen នៅពេលដែលវាត្រូវបានស្ទាក់ ដោយទូកឆ្មាំឆ្នេរសមុទ្រចិនពីរនៅម៉ោង ៤ និង ៤៧រសៀល។ កាលពីថ្ងៃច័ន្ទ ឆ្មាំឆ្នេរសមុទ្រតៃវ៉ាន់បានឲ្យដឹងដោយបន្ថែមថា មន្ត្រីចិន បានចាកចេញប្រហែល ៣០នាទីក្រោយមក៕
