ភ្នំពេញ ៖ កាលពីព្រឹក ថ្ងៃទី១២ ខែកុម្ភៈ ឆ្នាំ២០២៣នេះក្រុមការងារគណៈពង្រឹងមូលដ្ឋានសង្កាត់សំរោង បានធ្វើពិធីផ្សបផ្សាយផែនការចាត់តាំងអនិវត្តសេចក្តីសម្រេចចិត្តមហាសន្និបាតវិសាមញ្ញតំណាងទូទាំងប្រទេស គណបក្សប្រជាជនកម្ពុជា ដល់មន្រីបក្សថ្នាក់មូលដ្ឋាន នៅស្នាក់ការគណបក្សសង្កាត់សំរោង ដែលមានការចូលរួមពី លោកហួត ហៃ ប្រធានក្រុមការងារចុះជួយសង្កាត់សំរោង លោកស្រីសក់ ស៊ីថា អនុប្រធានក្រុមការងារចុះជួយសង្កាត់ លោកស៊ូ ស៊ីវុត្ថា អនុប្រធានក្រុមការងារចុះជយយសង្កាត់ ព្រមទាំងក្រុមការងារ និងមន្ត្រីបក្សថ្នាក់មូលដ្ឋាន និងសមាជិកបក្សជាច្រើនរូបទៀតផងដែរ។
ក្នុងពិធីផ្សបផ្សាយផែនការចាត់តាំង អនិវត្តសេចក្តីសម្រេចចិត្តមហាសន្និបាតវិសាមញ្ញតំណាងទូទាំងប្រទេសគណបក្សប្រជាជនកម្ពុជា លោកយិន អ៊ីម ប្រធានគណបក្សសង្កាត់សំរោង និងលោកស្រីសក់ ស៊ីថា បានឡើងអានរបាយការណ៍ ការងារសំខាន់ៗ ដែលត្រូវអនុវត្តក្នុងឆ្នាំ២០២៣និងឆ្នាំបន្ដបន្ទាប់ និងរបាយការសង្ខេបមហាសន្និបាតវិសាមញ្ញតំណាងទូទាំងប្រទេសគណបក្សប្រជាជនកម្ពុជា ដើម្បីឲ្យសមាជិកបានយល់ជ្រាបច្បាស់ពីគោលនយោបាយទាំងនេះ។
នៅក្នុងឱកាសនោះផងដែរលោកហួត ហៃ បានមានប្រសាសន៍ថា សម្រាប់ឆ្នាំ២០២៣និងឆ្នាំបន្ដបន្ទាប់ដើម្បីអនុវត្តន៍ឲ្យបានជោគជ័យ នូវសេចក្ដីសម្រេចរបស់មហាសន្និបាតវិសមញ្ញតំណាងទូងទាំងប្រទេស គណបក្សប្រជាជនកម្ពុជារាជធានីភ្នំពេញ រួមនឹងក្រុមការងារបានដាក់ចេញនូវផែនការចាត់តាំង អនុវត្តន៍នូវការងារសំខាន់ៗ១ចំនួន ក្នុងនោះរួមមានការបន្ដពង្រឹង ស្ថេរភាពនយោបាយ សន្ដិសុខ សណ្ដាប់ធ្នាប់សង្គម ពង្រឹង និងពង្រីកហេដ្ឋារចនាសម្ព័ន្ធ និងលើកកម្ពស់ សោភ័ណភាពទីក្រុង, លើកកម្ពស់ការគោរពសិទ្ធសេរីភាព និងសេចក្ដីថ្លៃថ្នូរ របស់មនុស្ស ព្រមទាំងសិទ្ធប្រជាធិបតេយ្យនិងនីតិរដ្ឋ ,ជម្រុញផលិតកម្មលើកកម្ពស់ជីវភាពរស់នៅនិងកាត់បន្ថយ ភាពក្រីក្ររបស់ប្រជាពលរដ្ឋ,ការងារគណបក្ស,ការងារបោះឆ្នោតនិងបន្ដអនុវត្តកម្មវិធីកំណែទម្រង់នៅគ្រប់ការដ្ឋានសំខាន់ៗនានាឲ្យសម្រេចបានជាផ្លែផ្កា។
ជាចុងក្រោយលោកប្រធានក្រុមការងារ បានជំរុញឱ្យ សមាជិកសមាជិកា ក្រុមការងារទាំងអស់ត្រូវបន្ដខិតខំ ដោយយកចិត្តទុកដាក់ចុះជាប់ជាមួយប្រជាពលរដ្ឋ នៅតាមមូលដ្ឋានដើម្បីបង្កើននូវភាពស្និទ្ធស្នាលជាមួយប្រជាពលរដ្ឋ ពិសេសស្វែងរកព៌តមានដែលជាតម្រូវការ និងសំណូមពរចាំបាច់របស់ ប្រជាពលរដ្ឋដែលកំពុងប្រឈម ដើម្បីយកបញ្ហាទាំងនោះ មកពិភាក្សា ដោះស្រាយនិង ត្រូវមានស្មារតីទទួលខុសត្រូវខ្ពស់លើការងាររបស់ខ្លួន។ ជាងនេះទៅទៀតត្រូវបន្តសហការ និងសាមគ្គីភាពផ្ទៃក្នុងឲ្យបានរឹងមាំ ពិសេសត្រូវពង្រឹង ប្រធាន អនុប្រធានសាខាបក្ស ក្រុមបក្ស ឲ្យបានរឹងមាំនិងឲ្យពួកគាត់ស្វែងយល់ឲ្យបាន ស៊ីជម្រៅ ពីសភាពការណ៍វិវឌ្ឍរបស់ស្រុកទេសនាពេលបច្ចុប្បន្ន ទើបអាចជម្រុញ សកម្មភាពការងារ រួមទទួលបានជោគជ័យទាំងអស់គ្នា៕
