ភ្នំពេញ ៖ នាព្រឹកថ្ងៃទី១២ ខែតុលា ឆ្នាំ២០២២នេះ គណបក្សសង្កាត់សំរោងបានរៀបចំពិធីជួបសំណេះសំណាលជាមួយយុវជនសង្កាត់សំរោង ដែលមានការចូលរួមពីលោកហួត ហៃ ប្រជាធានក្រុមការងារចុះជួយសង្កាត់ លោកធឹម សំអាន ប្រធានគណកម្មាធិការគណបក្សខណ្ឌព្រែកព្នៅ លោកស៊ូ ស៊ីវុត្ថា អនុប្រធានក្រុមការងារចុះជួយសង្កាត់ និងអស់លោក លោកស្រី ព្រមទាំងយុវជនមកពីសង្កាត់ទាំង៥ និងកាយរិទ្ធប្រមាណជាង១០០នាក់ផងដែរ។
ក្នុងឱកាសនោះលោកស៊ូ ស៊ីវត្ថា បានពន្យល់ដល់ យុវជនតាមបណ្តាសង្កាត់ទាំងអស់ឲ្យបានយល់ដឹងពីការធ្វើកាកាងាររៀបចំដែនដីខណ្ឌព្រែកព្នៅ យល់អំពីច្បាប់ អ្វីទៅជាកម្មសិទ្ធ អ្វីទៅជាកម្មសិទ្ធមិនស្របច្បាប់ អ្វីទៅជាច្បាប់សាងសង់ ឧទាហរណ៍ដូចជាប្រជាពលរដ្ឋដែលរស់នៅជាប់ដីអានុក្រិត្តបឹងតាមោគ និងតាមចំណីផ្លូវ១៥១ក្នុងភូមិសំរោងត្បូង គឺយើងមិនអាចចេញផ្លង់កម្មសិទ្ធបានទេ ដូចនេះយុវជនត្រូវយល់ដឹងពីបញ្ហានេះ ហើយយុវជនអាចពន្យល់ប្រាប់ពួកគាត់ឲ្យកែតម្រូវនូវពាក្យពេជ្រណាដែលនិយាយខុសពីការពិតដែលបានធ្វើការចោតប្រកាន់មកលើអាជ្ញាធរសង្កាត់ និងខណ្ឌ នាពេលកន្លងមក។
យុជនទាំងអស់ត្រូវចូលរួមផ្សព្វផ្សាយ ឲ្យប្រជាពលរដ្ឋបានដឹងអំពីការសាងសង់សំណង់ត្រូវមានច្បាប់ តែបើប្រជាពលរដ្ឋរស់នៅលើដីមិនស្របច្បាប់ គឺមិនអាចធ្វើផ្លង់កម្មសិទ្ធបានទេដូចជាចំណីផ្លូវ១៥១ក្នុងភូមិសំរោងត្បូងជាដើម។ យើងដឹងគ្រប់គ្នាហើយថា ប្រជាពលរដ្ឋទាំងអស់នេះគឺរស់នៅមិនស្របច្បាប់ ហើយអាជ្ញាធររាជធានី និងខណ្ឌបានយកចិត្តទុកដាក់រៀបចំដោយផ្តល់ដីឡូត៍ជូនពួកគាត់រស់នៅដោយស្របច្បាប់ ដែលមានរចនាសម្ព័ន្ធផ្សេងៗជាច្រើន ជំនួសដីបច្ចប្បន្ន តែពួកគាត់ខ្លះបានព្រមទៅ និងមួយចំនួនទៀតមិនព្រមទៅ ដោយចង់នៅលើដីចំណីផ្លូវ ដែលមិនរៀបរយដដែល។
ជាមួយគ្នានោះផងដែរលោកធឹម សំអាន បានមានប្រសាសន៍ថា យុវជនត្រូវតែតស៊ូខិតខំប្រឹងរៀនមិនថាតែកូនអ្នកក្រឬអ្នកមាននោះទេ អោយតែខំរៀននោះអនាគតនិងល្អប្រសើរឧទាហរណ៍ដូចជារូមលោកជាដើមដែលកើតចេញពីកូនកសិករ ជាក្មេងទូលនំលក់ តែការខិតខំប្រឹងប្រែងព្យាយាមរៀនសូត្រ ធ្វើឲ្យលោកបានសម្រេចនូវកិច្ចការងារធំៗជាច្រើនរហូតមលដល់បច្ចប្បន្ននេះ។ លោកបន្តថា បើយើងខិតខំរៀនគឺយើងអាចជួយខ្លួនយើង គ្រួសារយើង និងសង្កមជាតិយើងឲ្យរីកចំរើនបានទៀតផង។
ដោយឡែកលោកហួត ហៃ បានមានប្រសាសន៍ផងដែរថា បច្ចប្បន្នមានតែគណបក្សប្រជាជនកម្ពុជា របស់យើងទេដែលមានរចនាសម្ព័ន្ធតាំងពីថ្នាក់លើរហូតដល់ថ្នាក់ក្រម ហើយជាគណបក្រដែលដឹងសុខដឹងទុកប្រជាពលរដ្ឋគ្រប់កាលៈ ទេសៈ ពិសេសយុវជនតែម្តងដែលជាទំពាំងស្នងឬស្សីនោះ។ ហើយយុវជននៅក្នុងគណបក្សប្រជាជន ត្រូវខិតខំប្រឹងប្រែងធ្វើឲ្យបានល្អ បើយើងខិតខំប្រឹងប្រែងខ្លួនឯងបានជាកូនល្អ ជាមិត្តល្អ និងជាយុវជនល្អហើយនោះ ខាងក្រុមការងារនិងគណបក្សប្រជាជនកម្ពុជា នឹងជួយយើងវិញជាក់ជាមិនខាន។
លោកប្រធានក្រុមការងារចុះជួយសង្កាត់សំរោងបញ្ជាក់ថា យុវជនតាមបណ្តាភូមិក្នុងសង្កាត់សំរោង ត្រូវចេះស្រលាញ់គ្នា កុំប្រកាន់គ្នា និងត្រូវជួយគ្នាក្នុងគ្រាមានអាសន្ន ហើយត្រូវចេះហាត់ពត់លត់ដំខ្លួន ឲ្យបានល្អដើម្បីជាទំពាំងស្នងឫស្សី ចៀសវាងឲ្យផុតពី សកម្មភាពក្មេងទំនើង កាសេពគ្រឿងស្រវឹងនិងគ្រឿងញាណ ឬ ប្រព្រឹត្តិអំពើមិនគប្បី ដែលសង្គមស្អប់ខ្ពើមនានា បើស្រលាញ់ភូមិយើង សង្កាត់យើង និងប្រទេសជាតិយើង ត្រូវនាំគ្នាទៅបោះឆ្នោតឆ្នាំ២០២៣ខាងមុខនេះជូនគណបក្សប្រជាជនកម្ពុជា ឲ្យបានគ្រប់គ្នា ដើម្បីប្រទេសជាតិយើងមានសុខសន្តិភាព និងមានការអភិវឌ្ឍន៍ជាបន្តទៀត។
គួរបញ្ជាក់ថា យុវជនដែលមកចូលរួមទាំងអស់ម្នាក់ៗទទួលបានថវិការចំនួន៤ម៉ឺនរៀលពីក្រុមការងារ និងបានហូបអាហាសាមគ្គីជាមួយគ្នាយ៉ាងសប្បាយរីករាយផងដែរ៕
