ភ្នំពេញ ៖ លោកសុខ សម្បត្តិ អភិបាលនៃគណអភិបាលខណ្ឌព្រែកព្នៅ និងលោកម៉ៅ បូរ៉ា ប្រធានក្រុមប្រឹក្សាខណ្ឌ ដឹកនាំមន្ត្រីសាលាខណ្ឌ អញ្ជើញចូលរួមរំលែកមរណទុក្ខ លោក ស៊ូ ស៊ីវុត្ថា ប្រធានការិភូមិបាលខណ្ឌព្រែកព្នៅ ដែលម្តាយរបស់លោក គឺលោកយាយឧបាសិកាចាន់ សាយ៉ុន បានទទួលមរណភាពកាលពីថ្ងៃទី០៦ ខែកុម្ភៈ ឆ្នាំ២០២២ ដោយរោគាពាធក្នុងជនា្មយុ៨៣ឆ្នាំ នៅគេហដ្ឋានក្នុងបុរីប៉េងហួត ខណ្ឌឬស្សីកែវ រាជធានីភ្នំពេញ កាលពីព្រឹកថ្ងៃទី០៧ ខែកុម្ភៈ ឆ្នាំ២០២២នេះ។
រដ្ឋបាលខណ្ឌព្រែកព្នៅ បានចូលរួមដាក់កម្រងផ្ការំលែកទុក្ខ និងបាននាំយកនូវថវិកាចូលរួមបុណ្យសពប្រជាពលរដ្ឋដែលមានសាច់ញាតិទទួលមរណៈភាព ដែលបង្ហាញពីការយកចិត្តទុកដល់ប្រជាពលរដ្ឋគ្រប់ៗរូប ហើយរដ្ឋបាលខណ្ឌមានភាពសោកស្តាយជាទីបំផុត ដែលបានបាត់បង់ធនធានមនុស្ស អ្នកម្តាយរបស់លោកស៊ូ ស៊ីវុត្ថា ដែលមិនអាចយកអ្វីមកប្រៀបផ្ទឹមបាន ដោយកន្លងមកលោកយាយឧបាសិកាចាន់ សាយ៉ុន លោកមានស្នាដៃជាច្រើននក្នុងការជួយប្រជាពលរដ្ឋ និងសង្គមជាតិ។
នេះជាការគោរព ដឹងគុណដល់គុណបំណាច់យ៉ាងធំធេង ដែលអ្នកម្តាយបានលះបង់ កម្លាំង កាយចិត្ត ដើម្បីកូនៗហើយការស្រលាញ់អាណិតប្រោះប្រណីរបស់អ្នកម្តាយ ចំពោះកូន បានធ្វើឲ្យកូនៗទាំងអស់គ្នា ចងចាំជានិច្ច ក្នុងក្រអៅបេះដូង គ្មានថ្ងៃបំភ្លេចបានឡើយ។ ហើយកូនៗទាំងអស់គ្នាគោរពអស់ពីដួងចិត្ត សូមវិញ្ញាណក្ខន្ធលោកយាយឧបាសិសកាចាន់ សាយ៉ុន ដែលត្រូវជាម្តាយ ជាយាយ ជាយាយទួត សូមបានទៅកាន់សុគតិភព កុំបីឃ្លៀងឃ្លាតឡើយ៕
