ភ្នំពេញ ៖ លោក ចាន់ សុធី ដែលមហាជនទូទៅច្បាស់ជាបានស្គាល់ហើយម្ចាស់បទ «អនិច្ចាសីលធម៌» ដែលល្បីល្បាញអំឡុងឆ្នាំ២០០០ ដែលបទចម្រៀងរបស់លោកបានច្រៀងរៀបរាប់អប់រំទាក់ទងនឹងសីលធម៌ខ្មែរយ៉ាងពិរោះលន្លង់លន្លោច ហើយកាលពីពេលថ្មីៗនេះលោកសូមផ្តាំផ្ញើ និងអំពាវនាវដល់កូនខ្មែរទាំងប្រុស-ស្រី សូមរួមគ្នាថែរក្សាមរតកវប្បធម៌ដូនតាឲ្យបានគង់វង្ស និងកាន់តែរីកចម្រើនថ្កុំថ្កើនទៅមុខថែមទៀត។
លោក ចាន់ សុធី ត្រូវបានគេដឹងថា លោកជាសិល្បករល្បីឈ្មោះមួយរូបផ្នែកសិល្ប:ចម្រៀងបុរាណដែលមានដើមកំណើតចេញពីទឹកដីខេត្តតាកែវ។ លោក ចាន់ សុធី មិនត្រឹមតែទទួលបានការគាំទ្រច្រើននោះទេគឺថែមទាំងមានការសរសើរពីសមត្ថភាពផ្នែកចម្រៀងបុរាណជាច្រើនផងដែរ។
ដោយឡែកថ្មីៗនេះ តារាចម្រៀងលោក ចាន់ សុធី បានប្រាប់សារព័ត៌មានថា លោកសូមផ្តាំផ្ញើ និងអំពាវនាវដល់កូនខ្មែរទាំងប្រុស-ស្រី សូមរួមគ្នាថែរក្សាមរតកវប្បធម៌ដូនតាឲ្យបានគង់វង្ស និងកាន់តែរីកចម្រើនថ្កុំថ្កើនទៅមុខថែមទៀត។លោក ចាន់ សុធី បាននិយាយបន្ថែមទៀតថា ការណាដែលកូនខ្មែរទាំងអស់រួមគ្នាថែរក្សាការពារវប្បធម៌និងសិល្ប:ខ្មែរនោះប្រទេសយើងកាន់តែល្បីរន្ទឺលើឆាកអន្តរជាតិនិងពិភពលោក៕
