ថៃឡង់ ៖ លោកTanat Thanakitamnuay អាយុ២៩ឆ្នាំ ជាកូនប្រុសអ្នកមានទ្រព្យស្តុកស្តម្ភ ដែលគេស្គាល់ថា “H-iso Luk Nat” បានរងរបួសភ្នែកអំឡុងការបាតុកម្មមួយនៅទីក្រុងបាងកកកាលពីថ្ងៃទី១៣ ខែសីហាកន្លងមកថ្មីៗនេះ បណ្តាលឲ្យលោកពិការភ្នែកមួយចំហៀងអស់មួយជីវិត្ត។ ចំណែកគ្រួសារមហាសេដ្ឋីរូបនេះ បានប្តេជ្ញាចាត់វិធានការតាមផ្លូវច្បាប់ពេញទំហឹងប្រឆាំងនឹងការបង្ក្រាបបាតុករដែលប្រឆាំងរដ្ឋាភិបាល។
កាលពីយប់ថ្ងៃព្រហស្បតិ៍ទី១៩សីហា គ្រួសារ Thanakitamnuay បានប្រកាសនៅលើគណនីហ្វេសប៊ុករបស់លោក Tanat ថា គាត់ទទួលរងរបួសដាច់រយះនៅលើចិញ្ចើមខាងស្ដាំ ដែលបង្កឡើងដោយវត្ថុរឹងរាងស៊ីឡាំង។ កែវភ្នែកខាងស្តាំរបស់គាត់ត្រូវបានរហែក ហើយប្រសីខាងស្តាំរបស់គាត់ត្រូវបានរហែកនិងរីទីណាខាងស្តាំរបស់គាត់ត្រូវបានរបកចេញ។ គ្រូពេទ្យបានសន្និដ្ឋានថាគាត់បានពិការភ្នែកខាងស្តាំជាអចិន្ត្រៃយ៍។
គ្រួសារគាត់បាននិយាយថាការរងរបួសភ្នែកនេះបានកើតឡើងអំឡុងពេលបាតុកម្មកាលពីថ្ងៃទី១៣ ខែសីហា។ ខ្លួនបានស្តីបន្ទោសពិការភាពនេះទៅលើការបង្ក្រាបបាតុករ ហើយនិយាយថាអាជ្ញាធរមិនបានអនុវត្តតាមបទដ្ឋានអន្តរជាតិនៃការបាញ់ឧស្ម័នបង្ហូរទឹកភ្នែកក្នុងគន្លងផ្លោងនោះទេ។
ក្រុមគ្រួសារនេះបានសរសេរថាលោក Tanat តែងតែប្រកាន់ខ្ជាប់នូវការធ្វើបាតុកម្មដោយសន្តិវិធីដែលមានបំណងតែបញ្ចេញមតិរបស់លោក ហើយចៀសវាងអំពើណាមួយដែលអាចនាំឱ្យមានអំពើហិង្សាឬការខូចខាត។ ការធ្វើបាតុកម្មនៅថ្ងៃទី១៣ ខែសីហាកន្លថមកថ្មីៗនេះមិនមានអំពើហិង្សាគ្រប់គ្រាន់ដើម្បីបង្ហាញអំពីការឆ្លើយតបដោយហិង្សារបស់អាជ្ញាធរឡើយ។
ក្រុមគ្រួសារ Tanat នឹងចាត់វិធានការព្រហ្មទណ្ឌរដ្ឋប្បវេណីនិងច្បាប់ផ្សេងៗទៀតដែលអាចកើតមានចំពោះបុគ្គលនិងអង្គការនានាដែលចាត់ទុកថាជាអ្នកទទួលខុសត្រូវ។ ខ្លួនក៏បាននិយាយថាការរងរបួសដល់លោក Tanat គឺជាការបាត់បង់ដ៏ធំមួយចំពោះគ្រួសារពួកគេ៕ ប្រភព ៖ Bangkok Post
