ភ្នំពេញ ៖ អនុគណៈកម្មការស្រាវជ្រាវជំងឺកូវីដ១៩ បានប្រកាសថា អ្នកលក់ភេសជ្ជៈតាមរទេះរុញនៅផ្សារអូរឫស្សីតេស្តឃើញវិជ្ជមានកូវីដ១៩ ដូចនេះប្រសិនបើអ្នកបានទិញភេសជ្ជៈពីអ្នកលក់តាមរទេះរុញ ចាប់ពីថ្ងៃទី ១៧ ដល់ថ្ងៃទី ២៣ ខែមិថុនា សូមដាក់ខ្លួនដាច់ដោយឡែក និងយកចិត្តទុកដាក់តាមដានសុខភាពឲ្យបានខ្ពស់។
នាប៉ុន្មានថ្ងៃមកនេះនៅរាជធានីភ្នំពេញ រលកនៃការឆ្លងជំងឺកូវីដ១៩ ហាក់កំរើកឡើងវិញ ក្នុងនោះគេឃើញផ្សាររដ្ឋមួយចំនួន រកឃើញអាជីវករ បុគ្គលិក-កម្មករ មានវិជ្ជមានកូវីដ១៩ ជាបន្តបន្ទាប់ ខណៈដែលសកម្មភាពសេដ្ឋកិច្ចត្រូវបានបើកឱ្យដំណើរឡើងវិញកាលពីដើមខែមិថុនានេះ។
ជាក់ស្ដែងការធ្វើតេស្តនៅផ្សារបឹងកេងកងកាលពីថ្ងៃម្សិលមិញ រកឃើញអ្នកវិជ្ជមានប្រមាណ២០០នាក់ ក្នុងចំណោមអ្នកធ្វើតេស្តជិត១ពាន់នាក់។ នេះមិនទាន់រាប់ចូលការដើរយកសំណាកនានា នៅតាមបណ្តាទីតាំងរោងចក្រមួយចំនួន នៅរាជធានីភ្នំពេញជារៀងរាល់ថ្ងៃផងទេ៕
