បរទេស ៖ កងទាហានជើងទឹកឥណ្ឌូណេស៊ី និងសហរដ្ឋអាមេរិក បានធ្វើសមយុទ្ធហ្វឹកហាត់រួមគ្នាមួយដែលមានឈ្មោះថា «Reconex 21-II» នៅតំបន់ជួរភ្នំ Tumpang Pitu Lampong, ជួរភ្នំ Pesanggaran ជួរភ្នំ Banyuwangi Regency នៅកោះចាវ៉ាខាង។
លោកវរសេនីយ៍ទោ Supriyono មេបញ្ជាការនៃសមយុទ្ធសមុទ្រឥណ្ឌូណេស៊ីបាននិយាយថា សមយុទ្ធសង្គ្រាមនៅតាមព្រៃនឹងជួយដល់កងទាហានក្នុងការបំពេញតម្រូវការនៃបេសកកម្មនៅលើដីគោក និងអាកាសធាតុគ្រប់ប្រភេទបានយ៉ាងឆាប់រហ័ស។ ទន្ទឹមនឹងនេះដែរ ទីភ្នាក់ងាររុករកនៃកងទាហានជើងទឹកឥណ្ឌូណេស៊ី (Taifib) និងកងកម្លាំងទាហានជើងទឹកសហរដ្ឋអាមេរិក (USMC) បានធ្វើសមយុទ្ធល្បាតក្នុងព្រៃ។
យោងតាមលោក Supriyono បានឱ្យដឹងថា សមយុទ្ធនេះមានគោលបំណងពង្រឹងសមត្ថភាពប្រយុទ្ធរបស់កងទាហានសមុទ្ររបស់ប្រទេសទាំងពីរដែលកំពុងប្រឈមនឹងបញ្ហានៅតាមព្រៃភ្នំ និងជួរភ្នំ។ លើសពីនេះទៀត សមយុទ្ធនេះក៏នឹងជួយលើកកម្ពស់ជំនាញវិជ្ជាជីវៈរបស់កងទាហានសមុទ្រនៃប្រទេសទាំងពីរក្នុងការបញ្ជូនកងទ័ពផងដែរ។
បើនិយាយអំពីយុទ្ធសាស្ត្រនៃការរស់រានវិញ ក្រុមកាយរឹទ្ធិរបស់កងទាហានជើងទឹកឥណ្ឌូណេស៊ីបានសម្របសម្រួល និងណែនាំដល់សមភាគីសហរដ្ឋអាមេរិកអំពីរបៀបដើម្បីការរស់រានមានជីវិតនៅក្នុងព្រៃ៕ (ប្រភព VNA )
