កីឡាបរទេស ៖ កីឡាករRomelu Luka ku អាចមកទ្រនំចាស់ Premier League វិញទេបន្ទាប់ពីចាកចេញពី Manch ester United ទាំងឈឺចាប់កាលពីរដូវកាលកន្លងមក ហើយបានសាងកេរ្តិ៍ឈ្មោះល្បីល្បាញវិញនៅទឹកដីអ៊ីតាលី ជាមួយក្លិប Inter Milan ដែលតម្លៃខ្លួនរូបគេឡើងដល់១២០លានអឺរ៉ូ សម្រាប់ក្លឹបណាដែលចង់បានគេ នាបញ្ចប់រដូវកាលនេះ។
ថ្មីៗនេះមានចចាមអារ៉ាមថាបណ្តាក្លឹបនៅ Premier League ដូចជា Manch ester City និង Chelsea បានចាប់អារម្មណ៍លើខ្សែប្រយុទ្ធ Romelu Luka ku របស់ក្លឹប Inter Milan ក្រោយពីយល់ឃើញថា កីឡាករបែលហ្សិកអាចដើរតួជាម៉ាស៊ីនបញ្ចប់ទីដ៏ល្អមួយ។ តែយ៉ាងណាមានមតិមួយចំនួនថាកីឡាករRomelu Luka ku អាចលេងចាញ់ទឹកចាញ់ដីនៅក្លិប Manch ester United តែទៅដល់ក្លិប Inter Milan គេលេងបានល្អមិននឹកស្មាន។
ដោយតាមពិតទៅក្លឹបទាំងពីរគឺត្រូវការខ្សែប្រយុទ្ធថ្មីដូចគ្នា ជាក់ស្តែងដូចជា Chelsea មាន Timo Werner ដែរ តែមិនអាចប្រើប្រាស់សម្រេចផ្លែផ្កាធំបាន ហើយ Man City ទើបតែបាត់បង់ Sergio Aguero ដែលប្រកាសចាកចេញនៅបញ្ចប់រដូវកាល។
តាមរបាយការណ៍ពី Corriere dello Sport ចុះផ្សាយ Inter Milan បានដាក់តម្លៃកីឡាករបែលហ្សិកមកហើយ ដោយសុំតម្លៃផ្ទេរ ១២០ លានអឺរ៉ូ សម្រាប់ក្លឹបណាដែលចង់បានគេ។ ចាប់តាំងពីការផ្ទេរមកពី United ខ្សែប្រយុទ្ធវ័យ២៧ឆ្នាំ រកបាន៥៩ គ្រាប់នៅការបង្ហាញខ្លួន៨៥ប្រកួត។
បញ្ជាក់ថាតម្លៃផ្ទេរ១២០លានអឺរ៉ូ គឺល្មមសមរម្យដែលក្លឹបធំៗអាចគិតគូរបាន ព្រោះបើធៀបនឹង Haaland គឺខ្ទង់១៧៥ លានអឺរ៉ូ ខណៈKane ខ្ទង់២០០លានអឺរ៉ូ ដែលជាតម្លៃកប់ពពក ស្មើនឹងអាចយកលុយសល់ពីការទិញ Lukaku ចរចាយកថែមកីឡាករនៅតំបន់ផ្សេងមួយទៀតក៏បាន៕
