កីឡាបរទេស ៖ ក្រុម Real Madrid នឹងត្រូវប្រកួតជាមួយក្រុម Inter Milan សម្រាប់សប្ដាហ៍ទី៣នៃពានរង្វាន់ UEFA Champions League នៅយប់នេះហើយ ហើយបើក្រុមណាឈ្នះក្នុងការប្រកួតនេះមានភាគរយច្រើនបានឡើងទៅវគ្គ១៦ក្រុម។
សម្រាប់ការប្រកួតនេះដែរ ក្រុម Real Madrid និង Inter Milan សុទ្ធតែត្រូវការជ័យជម្នះដូចគ្នា ដើម្បីមានឱកាសឡើងទៅវគ្គបន្ដបាន។ ប្រសិនបើក្រុមណាមួយភ្លាត់ចាញ់ នោះភាគរយក្នុងការបានឡើងទៅវគ្គ១៦ក្រុមចុងក្រោយគឺមានតិចខ្លាំងមែនទែន ព្រោះ២ប្រកួតកន្លងមករបស់ពួកគេ សុទ្ធតែធ្វើមិនបានល្អឡើយ។លោក Zidane អ្នកចាត់ការក្រុម Real Madrid បាននិយាយមុនការប្រកួតនៅរាត្រីនេះថា៖ “យើងបានស្គាល់ក្រុម Inter Milan ហើយពួកគេជាក្រុមល្អមួយ និងមានកាយសម្បទាល្អណាស់។ វាជាការប្រកួតពិបាកណាស់សម្រាប់ក្រុមយើង ហើយវាជាការប្រកួតផ្ដាច់ព្រ័ត្រ”៕
