កីឡាបរទេស ៖ បន្ទាប់ពីមានរឿងរាវជាមួយក្លិបមួយប្រាវមក នៅពេលនេះ ខ្សែប្រយុទ្ធ Lionel Messi បានចេញមុខមកបញ្ជាក់យ៉ាច្បាស់ថារូបគេនឹងមិនចាកចេញពីក្រុម Barcelona នោះទេនារដូវកាលថ្មីខាងមុខនេះ ក្រោយពីសិក្សាពីលទ្ធភាពនៃការចាកចេញត្រូវតវ៉ាដល់តុលាការមក។
កីឡាករខ្សែប្រយុទ្ធដ៍មុតស្រួចរបស់ក្រុម Barcelona Lionel Messi ក្រោយពីបរាជ័យផ្ទួនៗនៅពានរង្វាន់ UEFA Champions League ៣ឆ្នាំជាប់គ្នានិងមិនបានពានរង្វាន់អ្វីសោះនារដូវកាលនេះ ពិតជាមានចិត្តចង់ចាកចេញមែន ហើយមិនព្រមចូលហ្វឹកហាត់ជាមួយក្រុមក្រោមការដឹកនាំរបស់គ្រូបង្វឹកថ្មីគឺលោក Ronald Koeman។
តែក្រោយពីសិក្សាពីលទ្ធភាពនៃការចាកចេញត្រូវតវ៉ាដល់តុលាការមក ទើបរូបគេប្ដូរចិត្តវិញមិនទៅណាឡើយ ពោលគឺបន្ដលេងនៅក្រុម Barcelona ទៀត។ ការចេញមកបញ្ជាក់នេះ គឺដើម្បីបញ្ចប់រាល់ភាពមិនច្បាស់លាស់ទាំងអស់។ រូបគេនឹងចូលហ្វឹកហាត់ជាមួយក្រុមវិញនៅពេលខាងមុខ ក្រោមការដឹកនាំរបស់លោក Ronald Koeman។ ដោយចប់មួយរដូវកាលខាងមុខទៀត ទើបរូបគេសម្រេចចិត្តពីអនាគតបន្ដទៀត៕
