ឆមាសទី១ឆ្នាំ២០២០ បន្ទាប់ពីសមត្ថកិច្ចធ្វើតេស្តអ្នកបើកបរ និងព្រូឡាន៧៣នាក់មានផ្ទុកសារជាតិញៀន

ភ្នំពេញ ៖ សមត្ថកិច្ចធ្វើតេស្ដរកសារជាតិញៀន អ្នកបើកបរ និងព្រូឡាន ចំនួន៣៥២នាក់ ហើយផ្ទុកសារជាតិញៀន ចំនួន៧៣នាក់ ឆមាសទី១ ដើមឆ្នាំ២០២០ នេះបើតាមគណៈកម្មាធិការជាតិសុវត្ថិភាពចរាចរណ៍ផ្លូវគោក (គ.ស.ច.គ) បានឲ្យដឹង ក្នុងកិច្ចប្រជុំបូកសរុបលទ្ធផលការងារ សុវត្ថិភាពចរាចរណ៍ផ្លូវគោក ប្រចាំឆមាសទី១ ឆ្នាំ២០២០ នាព្រឹកថ្ងៃទី៧ ខែកក្កដា ឆ្នាំ២០២០ នៅទីស្ដីការក្រសួងមហាផ្ទៃ។

លោកស្រី មឹន មាណវី រដ្ឋលេខាធិការ ក្រសួងសាធារណការ និងដឹកជញ្ជូន និងជាអគ្គលេខាធិការ នៃអគ្គលេខាធិការដ្ឋាន គ.ស.ច.គ បានថ្លែងថា «រថយន្ដត្រួតពិនិត្យឃើញថា ត្រឹមត្រូវ ចំនួន៤៩.០១៣គ្រឿង បញ្ជូនរថយន្ដទៅស្នងការដ្ឋាន ចំនួន៥៣គ្រឿង ផ្លាកលេខក្លែងក្លាយ៣១គ្រឿង បានធ្វើតេស្ដរកសារជាតិញៀន អ្នកបើកបរ និងព្រូឡានចំនួន៣៥២នាក់ មានផ្ទុកសារជាតិញៀនចំនួន៧៣នាក់»៕