កីឡាបរទេស ៖ ទីផ្សារដោះដូរកីឡាករនៅអឺរ៉ុប អាចនឹងបើករហូតដល់ខែមករាឆ្នាំ២០២១តែម្ដង ប្រសិនណាបើលីគរដូវកាលនេះ មិនអាចបិទបញ្ចប់ទាន់ពេលវេលាទេនោះលើសពីនេះទៅទៀត ក្លឹបធំៗក៏បានស្នើ FIFA ឱ្យដកច្បាប់កំណត់ការចំណាយរបស់ក្លឹបផងដែរ ដើម្បីឱ្យពួកគេអាចចំណាយលក់ដូរកីឡាករបានច្រើន និងបានជួយគ្នាដើម្បីលំនឹងក្លឹបនីមួយៗ។
ក្របខណ្ឌទាំងអស់នៅអឺរ៉ុប មិនទាន់អាចដំណើរការវិញទេ ហើយក៏មិនទាន់កំណត់ពេលត្រឹមត្រូវដើម្បីបើកវិញដែរ ព្រោះប្រទេសទាំងអស់កំពុងរកឃើញអ្នកផ្ទុកមេរោគ Covid-19 កាន់តែច្រើនឡើង។ កត្ដាមិនដឹងថ្ងៃត្រលប់ ឬបិទរដូវកាលនេះហើយ ទើបបានជាក្លឹបទាំងអស់បានស្នើច្បាប់របស់ FIFA ដើម្បីឱ្យមានការបើករដូវកាលដោះដូរកីឡាករដល់ខែមករាឆ្នាំ២០២១តែម្ដង។
ការធ្វើបែបនេះ ដើម្បីធានាឱ្យបាន ការដោះដូរកីឡាករកើតមានត្រៀមរដូវកាលថ្មីខាងមុខ។លើសពីនេះទៅទៀត ក្លឹបធំៗក៏បានស្នើ FIFA ឱ្យដកច្បាប់កំណត់ការចំណាយរបស់ក្លឹបផងដែរ ដើម្បីឱ្យពួកគេអាចចំណាយលក់ដូរកីឡាករបានច្រើន និងបានជួយគ្នាដើម្បីលំនឹងក្លឹបនីមួយៗ។ យ៉ាងណាមិញមិនទាន់មានការបញ្ជាក់ចំពោះការស្នើវិធានការខាងលើនេះនៅឡើយទេ៕
