បរទេស ៖ រូបភាពមួយសន្លឹករបស់ Gareth Bale បំពាក់ដោយឈុតនៃក្លឹប Jiangsu Suning របស់ប្រទេសចិន បានផ្ទុះពេញប្រព័ន្ធអ៊ីនធឺណិត បង្កការភ្ញាក់ផ្អើលខ្លាំងសម្រាប់អ្នកគាំទ្រកីឡាករសញ្ជាតិវែលនិងក្លឹប Real Madrid។
កីឡាករវ័យ៣០ ឆ្នាំត្រូវបានអ្នកចាត់ការលោក Zinedine Zidane និយាយដល់ការចែកផ្លូវកាលពីថ្ងៃអាទិត្យកន្លងទៅ រហូតផ្ទុះការឆ្លើយតបពាក្យសម្តីរបស់អ្នករត់ការរបស់ Bale ដែលចោទថា Zidane បាននិយាយពាក្យដែលមិនគួរឲ្យគោរព។តាម Sportsmail បានសង្កត់ធ្ងន់បន្ថែមទៀតថាអនាគតរបស់ Bale ជាមួយការផ្លាស់ទៅទ្រនំចិន កាន់តែមានភាគរយខ្ពស់ ក្រោយលេចចេញនូវរូបភាពដូចបានបង្ហាញ មានការចែកចាយពេញ Twitter។ តាមរបាយការណ៍កន្លងមក ប្រសិនភាគីសងខាងព្រមព្រៀង នោះ Bale នឹងស៊ីថ្លៃដល់ទៅ ១លានផោន/សប្តាហ៍ ខ្ពស់ជាង Messi បាន ៩០០ ០០០ ផោន/សប្តាហ៍នៅ Barcelona៕
