ភ្នំពេញ ៖ កីឡាករជើងខ្លាំងស្រករក្រោយ២នាក់គឺសុខ ធី អ្នកប្រដាល់មកពីក្លិបសៅយ៉ាន់នាគាខេត្តបន្ទាយមានជ័យ ជួបជាមួយកីឡាករថៃធ្នូសឹកឡេក អ.ហ្វាន់មឿង ខណៈកីឡាករតាញ់ មករា អ្នកប្រដាល់របស់សមាគមកីឡាប្រដាល់ក្រសួងការពារជាតិ ជួបជាមួយកីឡាករថៃសុផាបណយ ស.ចពៀកអ៊ុថៃ ដើម្បីដណ្តើមរក៣ពិន្ទុបន្ថែមក្នុងជុំទី២ វគ្គជម្រុះដណ្តើមពាន លើសង្វៀនស៊ីអិនស៊ី នាថ្ងៃអាទិត្យទី២៨ ខែតុលា ឆ្នាំ២០១៨នេះ។
កីឡាករមកពីជាយដែន សុខ ធី (ហៅកាកា)គេនិងត្រូវជួបប្រកួតជាមួយអ្នកប្រដាល់ថៃឈ្មោះធ្នូសឹកឡេក អ.ហ្វាន់មឿង ដែលបានយកឈ្នះលើកីឡាករតាញ់ មករាកាលពីជុំទី១ ស្នៀតខ្លាំងរបស់គេជើងទាត់កាត់ និងជង្គង់។ រីឯសុខ ធី បច្ចប្បន្នគេជាជើងខ្លាំងក្នុងប្រភេទទម្ងន់៥៧គីឡូក្រាមនេះ ដោយធ្លាប់បានយកឈ្នះលើកីឡាករកម្ពុជា និងកីឡាករថៃច្រើននាក់កន្លងមក ដែលធ្វើឲ្យគេមានឈ្មោះបោះសម្លេងហើយកំពុងត្រូវបានអ្នកទស្សនាច្រើនចាប់អារម្មណ៍ចំពោះស្នៀតគុន នៅពេលគេឡើងប្រកួតម្តងៗនោះ ហើយបានធ្វើឲ្យអ្នកទស្សនាជក់ចិត្តជាខ្លាំងនោះ។
ជាមួយនិងស្នៀតខ្លាំងទាំងដៃទាំងជើងនិងកែង ហើយកម្លាំងស៊ុហ្វដ៍ខ្លាំងរបស់គេនោះបានធ្វើឲ្យកីឡាករសុខ ធី ផ្តួលដៃគូជាបន្តបន្ទាប់ទាំងកីឡាករជើងចាស់ កីឡាករជើងថ្មី និងគូប្រកួតលក្ខណៈមិត្តភាពអន្តរជាតិផងដែរ។ ចំណែកកីឡាករថៃធ្នូសឹកឡេក អ.ហ្វាន់មឿង គេពូកែតែស្នៀតជើងទាត់ ជង្គង់ និងស្នៀតកាច់ផ្តួលតែប៉ុណ្ណោះ ហើយស្នៀតទាំងនេះក៍ត្រូវបានកីឡាករកម្ពុជាសុខ ធី ធ្លាប់ជួបនិងបានយកឈ្នះជាបន្តបន្ទាប់មកហើយដែរ។ ចាំមើលរវាងកីឡាករសុខ ធី និងកីឡាករថៃធ្នូសឹកឡេក អ.ហ្វាន់មឿង នេះនរណាជាអ្នកឈ្នះបាន៣ពិន្ទុបន្ថែម?។
ដោយឡែកកីឡាករស្រករក្រោយតាញ់ មករា គេនឹងត្រូវជួបប្រកួតជាមួយអ្នកប្រដាល់ថៃឈ្មោះសុផាបណយ ស.ចពៀកអ៊ុថៃ ក្នុងប្រភេទទម្ងន់៥៧គីឡូក្រាម អ្នកទាំង២មិនធ្លាប់ជួបគ្នាទេកន្លងមកនៅសង្វៀននេះ ហើយកីឡាករទាំងពីរនាក់នេះគឺជាអ្នកចាញ់ដូចគ្នាក្នុងជុំទី១កន្លងមក។ តាញ់ មករា គេក៏ជាអ្នកប្រដាល់ជើងខ្លាំងមួយរូប ក្នុងចំណោមអ្នកប្រដាល់ស្រករក្រោយដូចគ្នា ដែលអ្នកតាមដានកីឡាប្រដាល់កម្ពុជាកំពុងតែចាប់អារម្មណ៍ចំពោះស្នៀតគុនរបស់កីឡាកររូបនេះ ដែលឡើងប្រកួតម្តងៗធ្វើឲ្យអ្នកទស្សនាជក់ចិត្តជាខ្លាំងនោះ។
តាញ់ មករា ជាអ្នកប្រដាល់ដែលមានកណ្ដាប់ដៃ និងកម្លាំងជើងទាត់ខ្លាំង តែមិនសូវសំបូរច្ចេកទេសនិងល្បិចកលប្រកួតប៉ុន្មានឡើយ ក៍ប៉ុន្តែគេមានកម្លាំងស៊ុហ្វខ្លាំង។ ពីមុនមករាគេវ៉ៃអាងតែលើកម្លាំងបាយតែប៉ុណ្ណោះ តែមួយរយះមកគេវាយចេញដោយកណ្តាប់ដៃដាល់ត្រូវចំគោលដៅបានច្រើន មួយៗតែធ្ងន់ចំណែក ឯការពាររបស់គេ ក៏បានល្អនិងរឹងមាំផងដែរ តែយ៉ាងណាគេភ្លាត់ចាញ់កីឡាករថៃក្នុងជុំទី១បានតែ១ពិន្ទុប៉ុណ្ណោះ។ ចាំមើលធន់ មករា ជាអ្នកឈ្នះឫកីឡាករថៃសុផាបណយ ស.ចពៀកអ៊ុថៃ នរណាជាអ្នកឈ្នះទទួលបាន៣ពិន្ទុនោះ?៕
