ភ្នំពេញ ៖ ព្រះឧត្តមធម្ម សោម ស៊ីម ព្រះធម្មធរអនុគុណខណ្ឌព្រែកព្នៅ និងជាព្រះចៅអធិការវត្តប្រាសាទ នៅសង្កាត់ពញ្ញាពន់ ខណ្ឌព្រែកព្នៅ រាជធានីភ្នំពេញ បានបរិច្ចាកអង្ករ គ្រឿងឧបភោប បរិភោប និងថវិការមួយចំនួនដល់អនុសាខាកាកបាទក្រហមកម្ពុជាខណ្ឌព្រែកព្នៅ ដើម្បីចូលរួមធ្វើការមនុស្សធ៌មក្នុងសង្គមដែលគេតែងនិយាយថា ពុទ្ធចក្រ និងអាណាចក្រដើរទន្ទឹមគ្នានោះ កាលពីព្រឹកថ្ងៃទី១១ ខែតុលា ឆ្នាំ២០១៨។
ក្នុងការអញ្ជើញទទួលសម្ភារៈនាឱកាសនោះមានលោកសុខ សម្បត្តិ អភិបាលនៃគណៈអភិបាលខណ្ឌព្រែកព្នៅ និងជាប្រធានកិត្តិយសនៃគណៈកម្មាធិការអនុសាខាកាកបាទក្រហមកម្ពុជាខណ្ឌ និងលោកអភិបាលរង ព្រមទាំងសមាជិកសមាជិការគណៈកម្មាធិការសាខាកាកបាទក្រហមកម្ពុជាខណ្ឌ មួយចំនួនទៀតផងដែរ។ សម្ភារៈបានផ្ដល់ជូនអនុសាខាកាកបាទក្រហមកម្ពុជាខណ្ឌនាខណៈនោះរួម មាននូវអង្ករ២តោន មី២០កេះ ទឹកក្រូច៣០កេះ ទឹកសុទ្ធ៧០កេះ ត្រីខចំនួន២០០កំប៉ុង មីចំនួន៣០កេះ ទឹកដោះគោ១៥០កំប៉ុង ស្កសរ១៥០គីឡូក្រាម និងថវិការចំនួន៥លានរៀល។
ព្រះឧត្តមធម្ម សោម ស៊ីម ព្រះធម្មធរអនុគុណខណ្ឌព្រែកព្នៅ មានថេរដីការថាអង្ករ និងថវិការទាំងនេះជារបស់វត្តដែលបានមកពីពុទ្ធបរិស័ទ នៅទីជិតឆ្ងាយយកមកប្រគេនព្រះសង្ឃក្នុងពេលបុណ្យទានផ្សេងៗ។ ដោយយល់ឃើញថា ព្រះសង្ឃមានចង្ហាន់ក៍ដោយសារពុទ្ធបរិស័ទយកមកប្រគេនហើយពុទ្ធចក្រ និងអាណាចក្រដើរទន្ទឹមគ្នាផងនោះ ព្រះតេជគុណក៍បានចែករំលែកទៅអាណាចក្រវិញទៅតាមលទ្ធភាពដែលអាចជួយបាន។
ក្នុងឧិកាសនោះដែរលោកសុខ សម្បត្តិ ប្រធានកិត្តិយសនៃគណៈកម្មាធិការអនុសាខាកាកបាទក្រហមកម្ពុជាខណ្ឌព្រែកព្នៅ បានសម្ដែងការកោតសរសើរ និងដោយគោរពចំពោះព្រះឧត្តមធម្ម សោម ស៊ីម ដែលព្រះអង្គមានព្រះហរទ័យមនុស្សធ៌មបាន បរិច្ចាកនូវ សម្ភារស្បៀងអាហារ ថវិការដល់អនុសាខាកាកបាទក្រហមខណ្ឌ ទុកសម្រាប់ផ្តល់ជូនដល់អ្នកក្រីក្រនិងអ្នកជួបការលំបាក នឹងទុកជួយដល់ជនរងគ្រោះគ្រប់ប្រភេទដែល ត្រូវការជំនួយជាចាំបាច់ ក្នុងខណ្ឌព្រែកព្នៅទាំងមូល។
លោកបន្តថា កាយវិការទាំងនេះពិតជាបានរួមចំណែកយ៉ាងធំធេងក្នុងការជួយអភិវឌ្ព្យន៍ សង្គមជាតិ និងការកាត់បន្ថយភាពក្រីក្ររបស់ប្រជាពលរដ្ឋយើង នាពេលបច្ចប្បន្ននេះ។ ជាចុងក្រោយលោកសុខ សម្បត្តិ ក៍បានប្រទានពរ ដល់ព្រះឧត្តមធម្ម សោម ស៊ីម ព្រះធម្មធរអនុគុណខណ្ឌព្រែកព្នៅ និងគណៈកម្មការអាចារ្យវត្តសូមឲ្យបានសេចក្តីសុខទាំងអស់គ្នា និងសូមឲ្យជួបប្រទះនូវពុទ្ធពរទាំ៤ប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕
