កម្ពុជាអាចទទួលផលប៉ះពាល់តិចតួចពីព្យុះទី១៨ និងទី១៩ នាប៉ុន្មានថ្ងៃខាងមុខ

ទឹកទន្លេមេគង្គ ទឹកទន្លេសេកុងនិងទឹកទន្លេសេសាន ដែលបានពន្លិចតំបន់ទំនាបតាមដងទន្លេទាំងនេះយ៉ាងតំណំព្រមទាំងបានគំរាមដល់ក្រុងស្ទឹងត្រែងជាលើកទី២ នឹងចាប់ផ្តើមស្រកវិញជាលំដាប់នៅរសៀលថ្ងៃទី២១ខែសីហានេះ ខណៈពេលព្យុះទី១៨ឈ្មោះ SOULIK ក្លាយជាព្យុះកំបុត្បូង TY និងព្យុះទី១៩ឈ្មោះCIMARONបានបង្កើនឥទ្ធិពលទៅជា sTS នៅក្នុងសមុទ្រប៉ាស៊ីហ្វិក មានដំណើរតាមគន្លងព្យុះទី១៧ ដែលបានដើរកាត់សៀងហៃកាលពីប៉ុន្មានថ្ងៃមុននេះ។

ព្យុះទាំងនេះគ្មានឥទ្ធិពលផ្ទាល់ដល់ប្រទេសកម្ពុជាទេ តែវាបានធ្វើឲ្យអាកាសធាតុក្នុងតំបន់ប្រែប្រួលខ្លាំងភ្លាមៗ។