ភ្នំពេញ ៖ លោកវរៈសេនីយ៍ឯក យឹម សារ៉ាន់ អធិការ នគរបាលខណ្ឌពោធិសែនជ័យបានអោយដឹងថា នៅថ្ងៃទី ១៣ ខែកក្កដាឆ្នាំ ២០១៨ វេលាម៉ោង ១១និង០០នាទីមុខហាងកាហ្វេតេស្ត ភូមិចោមចៅ ២ សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ មានករណីប៉ុនប៉ងឃាតកម្មកើតឡើងចំនួន ១លើកបង្កឡើងដោយជនសង្ស័យជាជនជាតិចិនចំនួន ៣នាក់ស្លៀកពាក់ស៊ីវិល ប្រើដំបងដែក និងរថយន្ត ១គ្រឿង ជាមធ្យោបាយ។
ក្រោយពីហេតុការណ៍កើតឡើង កម្លាំងនគរបាលខណ្ឌពោធិសែនជ័យបានចុះអន្តរាគមន៍ភ្លាមឯឃាត់ខ្លួនបានជនល្មើស ៣ នាក់ មានឈ្មោះដូចខាងក្រោម ៖
-ជនសង្ស័យទី១មានឈ្មោះ ZOU XINAN ភេទប្រុសអាយុ ៤៤ ឆ្នាំ ជនជាតិចិន កាន់លិខិតឆ្លងដែនលេខ E03461752 មុខរបរបុគ្គលិករោងចក្រ ស្នាក់នៅភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ។
-ជនសង្ស័យទី២ QIU XING JIE ជនជាតិចិន ភេទប្រុសអាយុ៣៤ឆ្នាំ មុខរបរទេសចរណ៍ កាន់លិខិតឆ្លងដែនលេខ EA 8361310 ស្នាក់នៅស្នាក់នៅភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ។
-ជនសង្ស័យទី៣មានឈ្មោះ HU XUEHUA ជនជាតិចិន ភេទប្រុសអាយុ៣៨ឆ្នាំ មុខរបរ ទេសចរណ៍ កាន់លិខិតឆ្លងដែនលេខ E 19247503 ស្នាក់នៅភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ។
ជនរងគ្រោះឈ្មោះ ហង់ ចាន់នី ភេទស្រី អាយុ ២៦ឆ្នាំ ជនជាតិខ្មែរ មុខរបរបុគ្គលិក រោងចក្រ ស្នាក់នៅផ្ទះលេខ 165 Eo ផ្លូវលេខ៩៣ សង្កាត់មនោរម្យ ខណ្ឌ៧មករា រាជធានីភ្នំពេញ ។
មូលហេតុបង្ករហឹង្សារដោយសារជនល្មើសជនជាតិប៉ុនប៉ងរំលោភនាងជាច្រើនលើកច្រើនសារ រហូតនាងទ្រាំមិនបានក៏រាយការណ៍ជូនប្រធានក្រុមហ៊ុន ។ បន្ទាប់មកប្រធានក្រុមហ៊ុនបានហៅជនល្មើសមកព្រមាននិងបញ្ឈប់ពីការងារ ។ ដោយហេតុផលខាងលើនេះហើយធ្វើអោយជនល្មើសតាមសម្លាប់នារីរងគ្រោះដើម្បីសងសឹក ។
សម្ភារៈខូចខាត៖ រថយន្តត្រូវវាយបំបែកកញ្ចក់ខាងមុខកញ្ចក់ និងចំហៀងទ្វារទាំង៤ រថយន្តនោះម៉ាកកាមរីស៊េរីបាឡែនឆ្នាំ 2002 ពាក់ស្លាកលេខភ្នំពេញ 1AN-1659 ។
ស្លាកស្នាមបន្សល់ទុក៖ របួសក្បាលហើមពក. របួសជើងខាងឆ្វេង. លើទ្រូងហើមជាំ .មុតមេដៃខាងស្ដាំ. ត្រចៀកឆ្វេងហើម ជាំ នឹងត្រូវរបួសមាត់ហើម។
បច្ចុប្បន្នជនសង្ស័យទាំង៣នាក់កំពុងឃុំខ្លួនជាបណ្ដោះអាសន្ននៅផ្នែកជំនាញនៃអធិការដ្ឋាន
នគរបាលខណ្ឌពោធិ៍សែនជ័យដើម្បីសួរនាំបន្តតាមនីតិវិធីច្បាប់ ៕
