អ្នកប្រដាល់វ័យក្មេងពីររូប ប្រកួតជាមួយអ្នកប្រដាល់ឆ្លងដែនថៃ នៅលើសង្វៀនខារ៉ាបាវ

2
10124

ភ្នំពេញ:អ្នកប្រដាល់វ័យក្មេងកម្ពុជាផាន ផាត់យុទ្ធក្លិបសាលវ័ន្ដកីឡាត្រូវបានដាក់ឲ្យប្រកួតជាមួយអ្នកប្រដាល់ចំណូលថ្មីមកពីស្រុកថៃកូឡាប ដួយ(Kolap Douy)ដោយប្រកួតគ្នាក្នុងប្រភេទទម្ងន់៥៤គីឡូក្រាម លើសង្វៀនខារ៉ាបាវរបស់អាស៊ីអាគ្នេយ៍រសៀលថ្ងៃទី២៣ធ្នូ ។

អាចនិយាយបានថានេះជាលើកដំបូងហើយដែលអ្នកប្រដាល់កម្ពុជារូបនេះទទួលបានឱកាសដើម្បីប្រកួតជាមួយអ្នកប្រដាល់បរទេស ។ផាត់យុទ្ធជាអ្នកប្រដាល់ដែលមានឈ្មោះបោះសម្លេងគួរសមដែរពិសេសការប្រកួតជាមួយ អ្នកប្រដាល់រួមជាតិដែលស្ថិតក្នុងប្រភេទទម្ងន់ជាមួយគេភាគច្រើនគេជាអ្នកឈ្នះ ។

ផាត់យុទ្ធមានប្រវត្តិប្រកួតចំនួន៥៣ដងឈ្នះ៣៩ដង ចាញ់១២ដង និងស្មើពិន្ទុ២ដង ។គេមានរបៀបវ៉ៃស្រដៀងគ្នាជាមួយអ្នកប្រដាល់ជើងចាស់បឺត ខាំដែលជាគ្រូរបស់គេដែរនោះ ។

អ្នកប្រដាល់ថៃកូឡាប ដួយវិញនេះជាលើកដំបូងហើយដែលគេមកប្រកួតនៅស្រុកខ្មែរ ។គេមិនដឹងថា អ្នកប្រដាល់រូបនេះមានសមត្ថភាពប៉ុណ្ណានោះទេ។ គេមានប្រវត្តិប្រកួតចំនួន៤៨ដងឈ្នះ៣៨ដង ចាញ់១០ ។ ចាំមើលការប្រកួតរវាងអ្នកប្រដាល់ទាំង ២ រូបនេះនរណាជាអ្នកខ្លាំងពិតប្រាកដ ។

Phan-Phatyuth-Kolap-Douy [800x600]

សេង ស្រឿនក្លិបមហិទ្ធិរិទ្ធលោកតាដំបងដែកត្រូវបានផ្គូរផ្គងឲ្យប្រកួតជាមួយអ្នកប្រដាល់ថៃឈ្មោះអារ៉ាំ ប៊យ Aram Boy)ដោយប្រកួតគ្នាក្នុងប្រភេទទម្ងន់៦៣,៥០គីឡូក្រាម ។

សេង ស្រឿនជាអ្នកប្រដាល់ជើងខ្លាំងមួយរូបដែល២ប្រកួតរបស់គេជាមួយថៃនៅលើសង្វៀនអាស៊ីអាគ្នេយ៍ជាមួយថៃគេផ្ដួលថៃមុនទឹកទី៥ បានទាំង២លើក ។គេមានប្រវត្តិប្រកួតចំនួន៦៩ដង ឈ្នះ៥៨ដង ចាញ់១១ដង ។គេមានសមត្ថភាពប្រើបានល្អទាំងទាត់ កែង និង កណ្ដាប់ដៃ ។

អារ៉ាំ ប៊យវិញគេធ្លាប់មកប្រកួតនៅស្រុកខ្មែរញឹកញាប់ណាស់គេជាអ្នកប្រដាល់ដែលល្អទាំងកែង និង ជង្គង់។
អ្នកប្រដាល់ថៃរូបនេះមានប្រវត្តិប្រកួចំនួន៨១ដង ឈ្នះ៦២ដង ចាញ់១៨ដង និង ស្មើពិន្ទុ ១ ដង ។ជំនួបរវាងអ្នកប្រដាល់ទាំង២រូបនេះពួកគេសុទ្ធតែមានឱកាសដើម្បីឈ្នះដូចគ្នាហើយបើគេប្រកួតដល់ទឹកទី៥នោះអ្នកឈ្នះ និង អ្នកចាញ់ពិតជាទ្រមខ្លួនដូចគ្នាមិនខាន ។

Seng-Sreun-Aram-Boy [800x600]

Facebook Comments
Loading...

2 COMMENTS

  1. You’re so awesome! I don’t believe I have read a single thing like that before. So great to find someone with some original thoughts on this topic. Really.. thank you for starting this up. This website is something that is needed on the internet, someone with a little originality!

LEAVE A REPLY

Please enter your comment!
Please enter your name here