ឧកញ៉ាធ្លាក់កូដម្នាក់ ត្រូវបានសមត្ថកិច្ចចាប់វាយខ្នោះ បញ្ជួនទៅតុលាការ រឿងជំពាក់លុយគេមិនសង

0
81

ភ្នំពេញ ៖ អ្វីក៏មិនទៀងទាត់ដែរគឺមានការប្រែប្រួលគ្រប់វិនាទី យ៉ាងណាមិញដូចករណីនេះអញ្ចឹង ឧកញ៉ាធ្លាក់កូដមួយរូបត្រូវបាន សមត្ថកិច្ចនគរបាលព្រហ្មទណ្ឌកម្រិតស្រាលរាជធានីភ្នំពេញ ចាប់បញ្ជូនទៅតុលាការ កាលពីរសៀលថ្ងៃទី៥សែ ខែកញ្ញា ឆ្នាំ២០២២ នេះពាក់ព័ន្ធពីបទល្មើស.មិនបំពេញកាតព្វកិច្ច ចំពោះឧបករណ៍អាចជួញដូរបាន» ពោលគឺជំពាក់លុយគេអត់សង។

តាមប្រភពព័ត៌មានបានឲ្យដឹងថា សមត្ថកិច្ចបានអនុវត្តតាមដីកាបញ្ជាឲ្យបង្ខំ និងឲ្យឃុំខ្លួនឈ្មោះ ជួប ច័ន្ទ មានគោរម្យងារ ជាឧកញ៉ា ភេទប្រុស អាយុ៤៥ឆ្នាំ មុខរបរជាពាណិជ្ជករ ស្នាក់នៅផ្ទះលេខ៥២ ផ្លូវ១២៣ សង្កាត់ទួលទំពូង១ ខណ្ឌចំការមន រាជធានីភ្នំពេញ ពីបទ.មិនបំពេញកាតព្វកិច្ច ចំពោះឧបករណ៍អាចជួញដូរបាន ដែលប្រព្រឹត្តនៅក្រុមហ៊ុន «គឹម ហាប់ ខូអិលធីឌី» ស្ថិតនៅសង្កាត់ទួលស្វាយព្រៃ២ ខណ្ឌចំការមន រាជធានីភ្នំពេញ កាលពីថ្ងៃទី៣០ ខែមិថុនា ឆ្នាំ២០១៧។

ដីកាបញ្ជាឲ្យបង្ខំ និងឲ្យឃុំខ្លួនឧកញ៉ា ជួប ច័ន្ទ ចេញដោយឯកឧត្តម ច្រឹង ខ្មៅ ព្រះរាជអាជ្ញា នៃអយ្យការអមសាលាដំបូងរាជធានីភ្នំពេញ ហើយសមត្ថកិច្ចនគរបាលព្រហ្មទណ្ឌកម្រិតស្រាល បានយកទៅអនុវត្ត និងចាប់ខ្លួនឈ្មោះ ជួប ច័ន្ទ កាលពីវេលាម៉ោង១០ព្រឹក ថ្ងៃទី៥ ខែកញ្ញា ឆ្នាំ២០២២នេះ។

ក្រោយពីតំណាងអយ្យការបើកការស៊ើបសួរអស់រយៈពេលច្រើនម៉ោង ក៏បានសម្រេចផ្ញើជនត្រូវចោទឈ្មោះ ជួប ច័ន្ទ ទៅសមត្ថកិច្ចវិញ តម្រូវ ឲ្យព្រឹកថ្ងៃទី៦ ខែកញ្ញា នាំជនត្រូវចោទមកកាន់សាលាដំបូងរាជ ធានីភ្នំពេញ ដើម្បីបន្តការសាកសួរទៀត ។តាប្រភពក្រៅផ្លូវការបានឲ្យដឹងថា ក្រោយពីមានការឃាត់ខ្លួន មានអ្នកកំពុងតែរត់ការអន្តរាគមន៍ដោះលែងលោកឧកញ៉ា ជួប ច័ន្ទ ដែលត្រូវបានសមត្ថកិច្ចនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញចាប់ខ្លួន។ ប្រភពពីសមត្ថកិច្ចបានឲ្យដឹងថា ករណីនេះ កំពុងតែមានអ្នកអន្តរាគមន៍ និងសម្របសម្រួលជាមួយដើមបណ្តឹងក្នុងការស្នើសុំនៅក្រៅឃុំ ប៉ុន្តែការសម្រេចយ៉ាងណានោះ គឺរង់ចាំមើលនៅថ្ងៃនេះ ថាតើតុលាការសម្រេចឃុំខ្លួន ឬមិនឃុំខ្លួន?។

គួរបញ្ជាក់ថា ការចាប់ខ្លួននេះ គឺសមត្ថកិច្ចអនុវត្តតាមដីកាបញ្ជាឲ្យបង្ខំ និងឲ្យឃុំខ្លួនលោកឧកញ៉ា ជួប ច័ន្ទ ជាអ្នកជំនួញស្នាក់នៅផ្ទះលេខ៥២ ផ្លូវ១២៣ សង្កាត់ទួលទំពូង១ ខណ្ឌចំការមន រាជធានីភ្នំពេញ ពីបទមិនបំពេញកាតព្វកិច្ចចំពោះឧបករណ៍អាចជួញដូរបាន ប្រព្រឹត្តនៅក្រុមហ៊ុន គឹម ហាប់ ស្ថិតនៅសង្កាត់ទួលស្វាយព្រៃ២ ខណ្ឌចំការមន កាលពីថ្ងៃទី៣០ ខែមិថុនា ឆ្នាំ២០១៧។ ដីកាបញ្ជាឲ្យបង្ខំ និងឲ្យឃុំខ្លួនឧកញ៉ា ជួប ច័ន្ទ ចេញដោយលោក ច្រឹង ខ្មៅ ព្រះរាជអាជ្ញា នៃអយ្យការអមសាលាដំបូងរាជធានីភ្នំពេញ៕

Facebook Comments
Loading...