ថ្នាក់ដឹកនាំនិងមន្ដ្រីសាលាខណ្ឌព្រែកព្នៅរៀបចំ ពិធីសូត្រមន្ដ ចំរើនព្រះបរិត្ត សុំសេចក្ដីសុខសេចក្ដីចំរើន និងអបអរសាទរ ក្នុងឱកាសបុណ្យចូលឆ្នាំថ្មី ប្រពៃណីជាតិ

By
chenda sun
-
15
30160

ភ្នំពេញ ៖ លោក ជា ខេម៉ា អភិបាលស្ដីទី ខណ្ឌព្រែកព្នៅ លោកម៉ៅ បូរ៉ា ប្រធានក្រុមប្រឹក្សាខណ្ឌ សមាជិក សមាជិកា ក្រុមប្រឹក្សាខណ្ឌ ព្រមទាំង កងកម្លាំង នគរបាល កងរាជអាវុធហត្ថ មន្ដ្រីរាជការក្រោមឱវាទ ថ្នាក់ខណ្ឌនិងសង្កាត់ ជាច្រើនរូបទៀត រសៀល ថ្ងៃទី១១ ខែមេសា បានជួបជុំគ្នានៅសាលាខណ្ឌ រៀបចំពិធីសូត្រមន្ដ ចំរើនព្រះបរិត្ត ដើម្បីសុំសេចក្ដីសុខសេចក្ដីចម្រើន និងសុំពរជ័យពីទេវតាឆ្នាំថ្មី ឆ្នាំខាល ចត្វាស័ក ពុទ្ធសករាជ ២៥៦៦ ព្រះនាម កិរិណីទេវី ជាបុត្រីទី៥ នៃស្ដេចកុបិល្លមហាព្រហ្ម ដែលនឹងចូលមកកាន់តំណែង បន្តវេនពីទេវតាឆ្នាំចាស់ នាពេលឆាប់ៗនេះ។

ពិធីនេះមិនត្រឹមតែ បួងសួងសុំឲ្យទេវតាឆ្នាំថ្មី តាមជួយបីបាច់ថែរក្សា ឲ្យបានសេចក្តីសុខ សេចក្ដីចម្រើនដល់សមាជិកសមាជិកាដែលបានចូលរួម ប៉ុណ្ណោះទេ ថែមទាំងបាន ឧទ្ទិសបុណ្យកុសលជូនចំពោះវិញ្ញាណក្ខន្ធបុព្វការីជន និងជនស្នេហាជាតិទាំងអស់ ដែលបានពលីជីវិតក្នុងបុព្វហេតុជាតិ មាតុភូមិផងដែរ។

ក្នុងកម្មវិធីនេះ មានការសំដែងរបាំត្រុត ដែលតាមជំនឿគឺដើម្បីដេញឧបទ្រុបចង្រៃក្នុងឆ្នាំចាស់ ឲ្យចៀសចាកឆ្ងាយ កុំឲ្យមកបៀតបៀន និងនាំមកនូវសេរីសួរស្ដីជ័យមង្គលគ្រប់ប្រការក្នុងឆ្នាំថ្មី ដើម្បីជាមង្គល ក្នុងការប្រកប កិច្ចការងារប្រចាំថ្ងៃ។

ឆ្លៀតក្នុងឱកាសនោះ លោក ជា ខេម៉ា  ក្នុងនាមគណៈបញ្ជាការឯកភាពខណ្ឌព្រែកព្នៅ បានក្រើនរំលឹកដល់កងកម្លាំង ទាំងអស់ ទាំងកម្លាំងនគរបាល កងរាជធាវុធហត្ថ និង កម្លាំងសណ្ដាប់ធ្នាប់ខណ្ឌ ក្នុងឱកាសចូលឆ្នាំនេះ ត្រូវបន្ដកិច្ចសហការរួមគ្នា បង្កើនការប្រុងប្រយ័ត្ន ការការពារសន្ដិសុខសុវត្ថិភាពជូន ប្រជាពលរដ្ឋក្នុងមូលដ្ឋាន ឲ្យបានល្អប្រសើរ។ ម្យ៉ាងទៀត បញ្ហាចរាចរណ៍ក៏ជារឿងសំខាន់ និងចាំបាច់ ខ្លាំងណាស់ដែរ ត្រូវធ្វើការ ផ្សព្វផ្សាយ ដល់ប្រជាពលរដ្ឋ ឲ្យគាត់ចូលរួមក្នុងការគោរពច្បាប់ចរាចរណ៍ និង ចុះទៅតាមគោលដៅសំខាន់ ដែលអាចកើតមានបញ្ហាកកស្ទះចរាចរណ៍ ដើម្បីជួយសម្រួ​លការ ធ្វើដំណើររបស់បងប្អូន ឲ្យបានរលូន និងទទួលបាននូវភាព សប្បាយរីករាយ។

បន្ទាប់ពីពិធីសូត្រមន្ដ រដ្ឋបាលខណ្ឌ ក៏បានរៀបចំអាហារសាមគ្គីជូនដល់សមាជិកសមាជិកាដែលបានចូលរួមដើម្បីបង្កើននូវភាពស្និទ្ធស្នាល មិត្តភាព សាមគ្គីភាព ទំនាក់ទំនងល្អជាមួយគ្នា ដើម្បីជំរុញ ការងារទាំងឡាយរបស់ រដ្ឋបាលខណ្ឌ ឲ្យដំណើរការទៅដោយរលូននិងទទួលបានជោគជ័យ។ ជាមួយនេះ ក៏មានកម្មវិធីរាំកំសាន្ដដើម្បីអបអរសារទរ ដល់បុណ្យចូលឆ្នាំថ្មី ប្រពៃជាតិថែមទៀតផង៕

Facebook Comments
Loading...

RELATED ARTICLESMORE FROM AUTHOR

15 COMMENTS

  1. Arie Baisch

    […]although websites we backlink to beneath are considerably not associated to ours, we really feel they’re actually worth a go by way of, so have a look[…]

  2. Arie Baisch

    […]although web sites we backlink to below are considerably not associated to ours, we feel they are basically really worth a go via, so possess a look[…]

  12. Click Here

    […]Every once inside a even though we opt for blogs that we read. Listed below would be the most current internet sites that we decide on […]

Comments are closed.