សម្តេចតេជោ ហ៊ុន សែន បញ្ជាដាច់ណាត់ឲ្យរកវិធីកម្ចាច់ចោលពួកឈ្មួញទុច្ចរិតបំផ្លាញត្រីក្នុងបឹងទន្លេសាប, ទោះប្រើកម្លាំង ឬឧទ្ធម្ភាចក្រ ត្រូវធ្វើឲ្យខាងតែបាន

ភ្នំពេញ ៖ នៅក្នុងពិធីបិទសន្និបាតបូកសរុបការងារឆ្នាំ២០២១ និងលើកទិសដៅការងារឆ្នាំ២០២២ របស់ក្រសួងកសិកម្ម រុក្ខាប្រមាញ់ និងនេសាទ នៅរសៀលថ្ងៃទី២៣ ខែមីនា ឆ្នាំ២០២២នេះ  សម្តេចតេជោ ហ៊ុន សែន នាយករដ្ឋមន្ត្រី បាន  បញ្ជាដាច់ណាត់ឲ្យបង្ក្រាបបទល្មើសក្នុងបឹងទន្លេសាបឲ្យខាងតែបាន ទោះជាត្រូវប្រើដល់ឧទ្ធម្ភាចក្រ ឬយានល្បឿនលឿនបែបណាក៏ដោយ។ មិនតែប៉ុណ្ណោះ សម្តេចក៏បើកឲ្យប្រើកម្លាំងប្រដាប់អាវុធ ដើម្បីបង្ក្រាបបទល្មើសនេសាទនេះទៀតផង។