រដ្ឋមន្ត្រីការបរទេសរុស្ស៊ី ជឿជាក់ថា ការទទួលបានការធានាសន្តិសុខស្របច្បាប់ពីសមាជិកអង្គការណាតូ គឺមានសារៈសំខាន់បំផុត

0
1298

បរទេស ៖ លើកឡើងនៅក្នុងនៅក្នុងសុន្ទរកថាមួយតាមវីដេអូទៅកាន់សន្និសិទស្តីពីការរំសាយអាវុធរដ្ឋមន្ត្រីការបរទេសរុស្ស៊ី លោក ស៊ែរហ្គេយ ឡាវរ៉ូវ បាននិយាយថា ទីក្រុងមូស្គូជឿជាក់ថា ការទទួលបានការធានាសន្តិសុខស្របច្បាប់ពីសមាជិកអង្គការណាតូ គឺមានសារៈសំខាន់បំផុត។

លោក ឡាវរ៉ូវ បានសង្កត់ធ្ងន់ថា «សហសេវិកលោកខាងលិចរបស់យើងមិនទាន់បង្ហាញឆន្ទៈណាមួយក្នុងការផ្តល់ឱ្យរុស្ស៊ីនូវការធានាសន្តិសុខរយៈពេលវែងនៅឡើយទេ។ សម្រាប់យើង ការសម្រេចបាននូវគោលបំណងទាំងនេះមានសារៈសំខាន់ជាមូលដ្ឋាន»។

លោករដ្ឋមន្ត្រីរូបនេះបានសង្កត់ធ្ងន់ថា បញ្ហានៅទីនេះ គឺការបដិសេធចំពោះការពង្រីករបស់អង្គការណាតូបន្ថែមទៀត ហើយនិងការបោះបង់ចោលនូវរូបមន្ត Bucharest (កិច្ចប្រជុំកំពូល Bucharest ឆ្នាំ២០០៨) ដែលចង់ឱ្យប្រទេសអ៊ុយក្រែន និងហ្សកហ្ស៊ីក្លាយជាសមាជិកនៃប្លុកយោធាដឹកនាំដោយសហរដ្ឋអាមេរិក។

លោក ឡាវរ៉ូវ បានសន្និដ្ឋានថា «បណ្តាប្រទេសលោកខាងលិចគួរតែបដិសេធពីការបង្កើតទីតាំងយោធានៅលើទឹកដីនៃអតីតរដ្ឋសហភាពសូវៀតដែលមិនមែនជាសមាជិកនៃសម្ព័ន្ធភាពមួយនេះ រួមទាំងការប្រើប្រាស់ហេដ្ឋារចនាសម្ព័ន្ធរបស់ពួកគេសម្រាប់ធ្វើសកម្មភាពយោធាណាមួយផងដែរ។ វាជាការចាំបាច់ណាស់ដែលត្រូវប្រគល់វិញនូវសមត្ថភាពយោធារបស់អង្គការណាតូវិញ រួមទាំងសមត្ថភាពនៃការវាយប្រហារ និងហេដ្ឋារចនាសម្ព័ន្ធអង្គការណាតូដល់រដ្ឋនៃឆ្នាំ១៩៩៧ នៅពេលដែលច្បាប់បង្កើតអង្គការណាតូ-រុស្ស៊ីត្រូវបានអនុម័ត»៕(ប្រភព TASS )

Facebook Comments
Loading...