ការផ្សះផ្សាជាតិត្រូវតែកើតចេញពីខាងក្នុង ជាមួយភាពជាម្ចាស់លើប្រទេសជាតិ ជាកត្តាកំណត់ និងចាំបាច់

ប្រជាជនកម្ពុជា ធ្លាប់ឆ្លងកាត់នូវអារម្មណ៍ឈឺចាប់នៃសង្គ្រាម នៅពេលដែលបានឆ្លងកាត់សង្គ្រាមស៊ីវិលរយៈពេលជិត ៣ទសវត្សរ៍ ដែលបានកើតឡើងភាគច្រើនបណ្តាលមកពីការលូកដៃពីបរទេស។

“យើងជាជនរងគ្រោះនៃសង្គ្រាមត្រជាក់ និងនយោបាយមហាអំណាច។ ការរៀនសូត្រពីបទពិសោធន៍កន្លងមកគឺថា យើងត្រូវតែពឹងផ្អែកលើខ្លួនឯង ដើម្បីការពារផលប្រយោជន៍ជាតិរបស់យើង និងស្វែងរកសន្តិភាពជូនប្រជាជនយើង។ ការផ្សះផ្សាជាតិត្រូវតែកើតចេញពីខាងក្នុង ជាមួយភាពជាម្ចាស់លើប្រទេសជាតិ ជាកត្តាកំណត់ និងចាំបាច់។ គ្មានអ្វីមានតម្លៃជាងឯករាជ្យភាព និងការសម្រេចចិត្តដោយខ្លួនឯងនោះទេ”។

សម្តេចតេជោថ្លែងនៅមហាសន្និបាតសកល នៃក្រុមប្រឹក្សាកិច្ចប្រជុំកំពូលពិភពលោក ដើម្បីសន្តិភាព (ISCP) ដែលប្រារព្ធនៅសេអ៊ូល ប្រទេសកូរ៉េខាងត្បូងថ្ងៃទី១៣ កុម្ភៈ ២០២២៕