សមត្ថកិច្ចឃាត់ជនសង្ស័យលួចម៉ូតូ២នាក់ និងអ្នកទទួលផលចោរកម្មម្នាក់ព្រមទាំងម៉ូតូចំនួន១៨គ្រឿង

0
87

ស្វាយរៀង ៖ សមត្ថកិច្ចឃាត់ខ្លួនជនសង្ស័យ២នាក់ និងអ្នកទទួលផលចោរកម្មម្នាក់ក្នុងករណីចោរលួចម៉ូតូ និងទទួលផលចោរកម្មនៅស្រុកស្វាយជ្រំ កាលពីវេលាម៉ោង៣ និង១៥នាទីរសៀល ថ្ងៃទី២៨ ខែកញ្ញា ឆ្នាំ២០២១ នៅភូមិធ្លក ឃុំធ្លក ស្រុកស្វាយជ្រំ ខរត្តស្វាយរៀង។

ប៉ូលិសមូលដ្ឋានបានអោយដឹងថាជនសង្ស័យមានឈ្មោះឈិន លំពង្ស ហៅក្រៅ ប៊ុនឡង អាយុ៣១ឆ្នាំ មានទីលំនៅភូមិស្រះវង្សសង្កាត់ស្វាយរៀង ក្រុងស្វាយរៀងនិងឈ្មោះជាង ពៅចិត្រ អាយុ៣២ឆ្នាំមានទីលំនៅភូមិមេភ្លើង សង្កាត់ស្វាយរៀង ក្រុងស្វាយរៀង និងដកហូតបានម៉ូតូចំនួន២គ្រឿង មានម៉ូតូម៉ាកហុងដាសេ១២៥សេរី២០០៨ ពណ៌ខ្មៅគ្មានស្លាកលេខ និងម៉ូតូម៉ាកវីវ៉ាពណ៌ខ្មៅពាក់ស្លាកលេខ ស្វាយរៀង ១c៥៣៥៦។

ចំណែកម្ចាស់ម៉ូតូដែលរងគ្រោះមានឈ្មោះនង ថុល ភេទប្រុស អាយុ៤៤ឆ្នាំមុខរបរ កសិកររស់នៅ ភូមិធ្លក ឃុំធ្លក ស្រុកស្វាយជ្រំ។

រីឯជនសង្ស័យដែលទទួលផលចោរកម្មមានឈ្មោះអោយឈ្មោះនាង គឹមធី ហៅស្មិញ ភេទប្រុសអាយុ៣៦ឆ្នាំ រស់នៅភូមិឬស្សីព្រៃ ឃុំកំពងចំឡង ស្រុកស្វាយជ្រំ ដោយសមត្ថកិច្ចបានចុះទៅធ្វើការឆែកឆេរលំនៅដ្ឋានខាងលើ បានដកហូតម៉ូតូចំនួន១៨គ្រឿងចាស់ៗនិងគ្រឿងបន្លាស់មួយចំនួនទៀត។

ប្រភពបន្តថា ក្រោយពីសមត្ថកិច្ចឃាត់ខ្លួនមកសាកសួរ ជនសង្ស័យបានឆ្លើយសារភាពថា ពេលខ្លួនលួចម៉ូតូបានយកទៅលក់អោយឈ្មោះនាង គឹមធី ហៅស្មិញ ទើបសមត្ថកិច្ច  ឃាត់ខ្លូន និងដកហូតម៉ូតូចំនួន១៨គ្រឿងចាស់ៗនិងគ្រឿងបន្លាស់មួយចំនួនទៀតតែម្តង។

បច្ចុប្បន្នជនសង្ស័យទាំង២នាក់និងអ្នកទទួលផលចោរកម្មម្នាក់រួមទាំងវត្ថុតាងសមត្ថកិច្ចអូសយកមករក្សាទុកនិងបញ្ជូនទៅអធិការដ្ឋាននគបាលស្រុកដើម្បីចាត់ការបន្តតាមច្បាប់៕

Facebook Comments
Loading...