អាជ្ញាធរនិងក្រុមគ្រូពេទ្យខេត្តបាត់ដំបងចុះយកសំណាកព្រះសង្ឃជាង៦០អង្គដែលនិមន្តមកពីខេត្តផ្សេង ដើម្បីស្វែងរកវីរុសកូវីដ១៩

1
208

បាត់ដំបង ៖ ព្រះសង្ឃប្រមាណជាង៦០អង្គ ដែលនិមន្តមកពីខេត្តផ្សេងៗមកសិក្សារៀនសូត្រពីព្រះធម៌ និងភាសាបាលី ក្នុងទឹកដីនៃខេត្តបាត់ដំបងត្រូវអាជ្ញាធរ និងក្រុមគ្រូពេទ្យចុះយកសំណាកដើម្បីស្វែងរកវីរុសកូវីដ១៩ កាលពីរសៀលថ្ងៃទី ០៥ ខែឧសភា ឆ្នាំ២០២១នេះ។

លោក ផេង សិទ្ធី អភិបាលក្រុងបាត់ដំបងបានឲ្យដឹងថា ក្រុមការងារ រួមជាមួយគ្រូពេទ្យជំនាញបានចុះអប់រំ ផ្សព្វផ្សាយពីវិធានការរបស់សុខាភិបាល និងបានពិនិត្យយកសំណាកលើព្រះសង្ឃសរុបចំនួន៦១អង្គ ដែលនិមន្តមកពីបណ្តាខេត្តជាច្រើនក្នុងគោលបំំណងសិក្សារៀនសូត្រព្រះពុទ្ធសាសនា និងភាសាបាលីនៅក្នុងវត្តស្លាកែត សង្កាត់ស្លាកែត ក្រុងបាត់ដំបង ខេត្តបាត់ដំបង។

ព្រះសង្ឃទាំងចំនួន ៦១ អង្គខាងលើនិមន្តមកពីខេត្តកំពង់ស្ពឺ ខេត្តកំពង់ធំ ខេត្តពោធិសាត់ ខេត្តប៉ៃលិន ខេត្តបន្ទាយមានជ័យ និងតាមបណ្តាស្រុកនានាក្នុងខេត្តបាត់ដំបងផងដែរ។ក្រោយការធ្វើតេស្តលើវត្ថុសំណាក គិតត្រឹមល្ងាចថ្ងៃទី ០៥ ខែឧសភា ឆ្នាំ ២០២១ ចំនួនព្រះសង្ឃជិតពាក់កណ្តាលមានលទ្ធផលអវិជ្ជមានកូវីដ-១៩ ដោយមិនមានហានិភ័យនៃការចម្លងជំងឺកូវីដ-១៩ឡើយ។

លោកបញ្ជាក់ថា ការនិមន្តរបស់ព្រះអង្គមកខេត្តបាត់ដំបងនៅពេលនេះដោយសារតែលោកសម្លឹងឃើញថាខេត្តបាត់ដំបង គឺជាខេត្តមានសុវត្ថិភាពចំពោះជំងឺកូវីដ-១៩ ហើយចំពោះមុខនេះ ខណៈពេលដែលព្រះសង្ឃគ្រប់អង្គកំពង់ឋិតក្នុងដំណាក់កាលធ្វើចត្តាឡីស័កគឺត្រូវការជាចាំបាច់នូវចង្ហាន់ជាច្រើនដើម្បីផ្គត់ផ្គង់ ដូចនេះសូមពុទ្ធបរិស័ទចំណុះជើងវត្តទាំងអស់មេត្តាជួយគាំទ្ររៀបចំប្រគេនឲ្យបានច្រើនកុំបីអាក់ខានដើម្បីចាប់យកសទ្ធាដោយសេចក្តីជ្រះថ្លា៕

Facebook Comments
Loading...

1 COMMENT

  1. MKsOrb

    […]very handful of internet sites that come about to be comprehensive below, from our point of view are undoubtedly well worth checking out[…]

Comments are closed.