ក្រុមការងារចុះជួយសង្កាត់ពន្សាំង កែលម្អនូវចណុចខ្វះខាត ក្នុងគោលដៅលើកកម្ពស់ ជីវភាពរស់នៅ ប្រជាពលរដ្ឋ ឲ្យកាន់តែប្រសើរ

0
749

ភ្នំពេញ ៖ ក្រុមការងារចុះជួយសង្កាត់ពន្សាំង ធ្វើពិធីផ្សព្វផ្សាយ និងពិគ្រោះយោ​បល់ លើការងារដែលគណបក្សសង្កាត់ពន្សាំង ឯកភាពសម្រេចបាន នាពេលកន្លងមកដើម្បីឆ្លុះបញ្ចាំង កែលម្អនូវចណុចខ្វះខាត ក្នុងគោលដៅលើកកម្ពស់ ជីវភាពរស់នៅ ប្រជាពល​រដ្ឋ ឲ្យកាន់តែប្រសើរ ដឹកនាំដោយលោក សុខ សម្បត្តិ ប្រធានក្រុមការងារ លោក ម៉ៅ បូរ៉ា អនុប្រធានក្រុមការងារ កាលពីថ្ងៃទី៣ ខែសីហា ឆ្នាំ២០១៩នេះ។

លោក ឈួន ឆាំ ចៅសង្កាត់ពន្សាំង បានលើកឡើងថា កិច្ចប្រជុំនេះបងប្អូនស​មាជិក លោកមេភូមិតាម ភូមិនានា អាចលើក បញ្ចេញមតិលើកឡើង ជាសំណួរ សំណូមពរចាំបាច់ជាច្រើនដែលជាកង្វល់ និងបញ្ហាប្រឈម សំខាន់ៗ ពាក់ព័ន្ធនឹង កិច្ចអភិវឌ្ឍ នៅក្នុងមូលដ្ឋានរបស់ខ្លួន ដើម្បីឲ្យក្រុមការងារ ចុះជួយសង្កាត់ ពន្សាំងដឹងនូវការលំ បាកនៅ ក្នុងមូលដ្ឋាន របស់បងប្អូន អាចដោះស្រាយបានភ្លាម ដោះស្រាយភា្លម ជូនបងប្អូន បើមិនទាន់ដោះស្រាយបានទេ នោះក្រុមការងារចុះជួយ សង្កាត់នឹងប្រជុំពិភាក្សា រាយការណ៍ ជូនថ្នាក់លើចាត់វិធានការ ជូនបងប្អូនប្រជាពលរដ្ឋជាបន្ទាន់។

ក្នុងឱកាសនោះផងដែរលោក សុខ សម្បត្តិ បានណែនាំដល់មន្ដ្រីបក្សថ្នាក់មូលដ្ឋាន ទាំងអស់ត្រូវបន្តសហការ និងសាមគ្គីភាពផ្ទៃក្នុង ដោះស្រាយជូន ប្រជាពលរដ្ឋដែលជួបប្រទះបញ្ហាផ្សេងៗ ត្រូវមានស្មារតីទទួលខុសត្រូវខ្ពស់ក្នុងការងារ អនុវត្តនូវគោលនយោបាយនិងទិសដៅរបស់គណបក្ស ដោយផ្សារភ្ជាប់ មនោសញ្ចេតនាឲ្យបានជិតស្និទ្ធជា មួយប្រជាពលរដ្ឋ ដឹងពីសុខទុក្ខប្រជាពលរដ្ឋគ្រប់ពេលវេលា។ ជាមួយនេះ ត្រូវបន្ដអនុវត្តន៍គោលនយោបាយភូមិ សង្កាត់មានសុវត្ថិភាព ដែលជាការងារដ៏សំខាន់ក្នុងការ រក្សាបាននូវសេចក្ដីសុខក្សេមក្សាន្ដជូនប្រជាពលរដ្ឋ។

ឆ្លៀតក្នុងឳកាសនោះដែរលោក សុខ សម្បត្តិ បានចុះជួបសំណេះសំណាលលោកគ្រូពេទ្យ អ្នកគ្រូពេទ្យ នៅមណ្ឌលសង្កាត់ពន្សាំង ហើយលោកក៏បានលើកចិត្តដល់គ្រូពេទ្យ បន្តសកម្មភាពយកចិត្តទុកដាក់ បន្ថែមចំពោះប្រជាពលរដ្ឋ ពិសេសស្ត្រីមានផ្ទៃពោះ ចាស់ជរា និងក្មេងតូចៗ ដែលកំពុងប្រឈម នឹងបញ្ហា ជំងឺគ្រុនឈាផងដែរ។ ក្នុងនោះដែរលោ​ក ក៏បានឧបត្ថម្ភថវិការចំនួន១០ម៉ឺនរៀល ដល់អ្នកគ្រូពេទ្យជាការលើកទឹកចិត្តផងដែរ។

មិនប៉ុន្តែប៉ុណ្ណោះលោក ក៏បានបន្តចុះពិនិត្យផ្លូវបេតុងមួយខ្សែរមានប្រវែង១៥០០ម៉ែត្រ កំពុងធ្វើបាន៧០ភាគរយហើយ នៅភូមិទួល និងភូមទួលពន្សាំង សង្កាត់ពន្សាំង និងពិនិត្យការកាយប្រឡាយសង ខាសងផ្លូវ ហើយលោក បានបញ្ជាឲ្យលោក ចៅសង្កាត់ បន្តយកចិត្តទុកដាក់មើលថែទាំផ្លូវឲ្យបានល្អ ផ្លូវនេះ ជាអំណោយដ៏ថ្លៃថ្លា របស់សម្តេចអគ្គមហាសេនាបតីតេជោ ហ៊ុន សែន តាមរយៈលោក ឃួង ស្រេង អភិបាល នៃគណៈអភិបាលរាជធានីភ្នំពេញ៕

Facebook Comments
Loading...